پاۆلودارلىقتاردىڭ سيرەك كەزدەسەتىن قارۋلارى ءى ءى م مۇراجايىنا قويىلۋى مۇمكىن
پاۆلودار وبلىسى ءى ءى د باسپا ءسوز قىزمەتىنىڭ مالىمەتىنشە، زاڭسىز ساقتاپ كەلگەن قارۋلار مەن جارىلعىش زاتتاردى اقشالاي ماراپات ءۇشىن وتكىزۋگە نيەت بىلدىرگەن ازاماتتار كەز كەلگەن اۋداندىق، قالالىق ىشكى ىستەر ورگاندارىنا ءوزى تۋرالى جەكە مالىمەتتەرىن، وتكىزەتىن زاتتاردىڭ اتاۋىن، ماركاسىن، كاليبر، قارۋ ءنومىرىن، اتۋ جاراقتارىنىڭ سانى جانە ولاردى قايدان العانى جايلى اقپاراتتاردى كورسەتە وتىرىپ ءوتىنىش بىلدىرەدى.
مادەني قۇنى بار ەسكى اتىس قارۋى (ءبىرتۇتاس وقتارمەن اتىس ءۇشىن جاسالعان قارۋدان باسقا، 1899 -جىلعا دەيىن جاسالعان اتىس قارۋى) قارۋلار كوميسسياسىنىڭ شەشىمى بويىنشا جەدەل قىلمىستىق بولىمدەرىنىڭ نەمەسە ىشكى ىستەر مينيسترلىگى مۇراجايىنىڭ زاتتاي كوللەكتسياسىنا بەرىلۋى مۇمكىن. ازاماتتار وتكىزىلگەن قارۋ، اتۋ جاراقتارى مەن جارىلعىش زاتتار ءۇشىن سىياقىمەن ماراپاتتالادى.
كوميسسيا ۇسىنىلعان ماتەريالداردى ءبىر ايدان ارتىق ەمەس مەرزىمدە ءوز ەركىمەن وتكىزىلگەن زاتتار مەن ونىمدەردىڭ تەحنيكالىق جاعدايىن جانە بەرىلەتىن سىياقى مولشەرىن انىقتايدى. زاڭسىز ساقتالىنعان قارۋ، اتۋ جاراقتارى مەن جارىلعىش زاتتاردى وتكىزگەن ازاماتتارعا قازاقستان رەسپۋبليكاسىنىڭ رەسپۋبليكالىق بيۋدجەتى تۋرالى زاڭىمەن بەكىتىلگەن ايلىق ەسەپتىك كورسەتكىش مولشەرىندە سىياقى تاعايىندالادى:
1) ءيىر ويىقتى اۆتوماتتىق اتىس قارۋىنىڭ ءاربىر بىرلىگى ءۇشىن ءجۇز ەسەلىك ا ە ك؛ 2) ۇزىن ۇڭعىلى ءيىر ويىقتى اتىس قارۋىنىڭ ءاربىر بىرلىگى ءۇشىن ەلۋ ەسەلىك ا ە ك؛ 3) قىسقا ۇڭعىلى ءيىر ويىقتى اتىس قارۋىنىڭ (ۆينتوۆكا، كارابين) ءاربىر بىرلىگى ءۇشىن قىرىق ەسەلىك ا ە ك؛ 4) تەگىس ۇڭعىلى اتىس قارۋىنىڭ ءاربىر بىرلىگى ءۇشىن وتىز ەسەلىك ا ە ك دەيىن؛ 5) جاراقات سالاتىن تاپانشا نەمەسە ريەۆولۆەردىڭ ءاربىر ءبىر بىرلىگى ءۇشىن ون ەسەلىك ا ە ك دەيىن؛ 6) ءاربىر گرانات، مينا، اتۋ قۇرىلعىسى مەن ارتيللەريالىق سنارياد ءۇشىن جەتى ەسەلىك ا ە ك دەيىن؛ 7) جارىلعىش ونىمدەرىنىڭ ءاربىر 1000 گرامى ءۇشىن التى ەسەلىك ا ە ك؛ 8) ءيىر ويىقتى قارۋعا 5,6 م م ارتىق كاليبردىڭ ءاربىر وعىنىڭ ءبىر بىرلىگى ءۇشىن وتىزدان ءبىر ا ە ك؛ 9) ءيىر ويىقتى (كىشى كاليبرلى) قارۋعا 5,6 م م كاليبردىڭ ءاربىر وعىنىڭ ءبىر بىرلىگى ءۇشىن ءجۇز ون بەستەن ءبىر ا ە ك؛ كوميسسيامەن سىياقى مولشەرلەرى انىقتالۋ كەزىندە قارۋلانۋ زاتتارىنىڭ تەحنيكالىق جاعدايى ءۇش سانات بويىنشا ەسكەرىلەدى.
1 -سانات - پايلانۋعا بەرىلمەگەن جانە تەحنيكالىق اقاۋى جوق، سونداي-اق بۇرىن ۇدايى پايدالانۋدا بولعان، ءبىراق كورىنەتىن جانە كورىنبەيتىن اقاۋلارى جوق، تاۋارلىق سيپاتىن جويماعان قارۋلار. ۇسىنىلعان باعاسىنىڭ %100 ەسەبىنەن ول ءۇشىن تولەم جاسالادى.
2-سانات - ۇدايى پايلانۋدا بولماعان، ونىڭ الداعى ۋاقىتتاعى پايدالانۋىنا ىقپال ەتەتىن جەكە تەحنيكالىق اقاۋلارى نەمەسە تاۋارلىق سيپاتىنىڭ كەمشىلىكتەرى بار، جوندەۋ جولىمەن جويۋدى قاجەت ەتپەيتىن قارۋلار. وسى سانات بويىنشا ۇسىنىلعان باعاسىنىڭ %70 ەسەبىنەن ول ءۇشىن تولەم جاسالادى.
3 -سانات - الداعى ۋاقىتتا پايدالانۋعا جارامسىز نەمەسە نەگىزگى مەحانيزمدەرى، قۇرىلعىلارى تەحنيكالىق اقاۋلارىنا بايلانىستى پايدالانۋدا ءقاۋىپتى قارۋلار. وسى سانات بويىنشا ۇسىنىلعان باعاسىنىڭ %30 ەسەبىنەن ول ءۇشىن تولەم جاسالادى. ازاماتتار سىياقى سوماسىن ونىڭ شوت- كارتاسىنا نەمەسە ىشكى ىستەر ورگانىنداعى كاسسا ارقىلى اۋدارادى.
ءى ءى ب- نە ءوز ەركىمەن زاڭسىز ساقتالىنعان اتىس قارۋلارىن، اتۋ جاراقتارى مەن جارىلعىش زاتتاردى وتكىزگەن تۇلعالار قىلمىستىق جانە اكىمشىلىك جاۋاپكەرشىلىكتەن بوساتىلادى. قاجەتتى اقپاراتتار الۋ ءۇشىن تۇرعىلىقتى مەكەنجايى بويىنشا ىشكى ىستەر بولىمىنە، سونىمەن قاتار وبلىستىق ىشكى ىستەر دەپارتامەنتىنە 391175 تەلەفونى بويىنشا حابارلاسۋعا بولادى.
