ءارتۇرلى تىلدەگى ادەبيەتتەردى تەگىن وقىعىڭىز كەلە مە؟

استانا. قازاقپارات - عالامتور دامىعان زاماندا ءارتۇرلى تىلدەگى ادەبيەتتەردى تەگىن ءارى زاڭدى تۇردە جۇكتەپ الۋعا بولادى.

وندا اعىلشىن، نەمىس، فرانسۋزدان باستاپ، ءتىپتى، ەسپەرانتو، حيندي تىلدەرىندەگى ادەبي شىعارمالار دا كەزدەسەدى. ادەبيەتسۇيەر قاۋىمنىڭ كوپشىلىگى شىعارمانى ءتۇپنۇسقاسىندا وقۋدى ارمانداپ، سوعان قول جەتكىزۋ ماقساتىندا ءتۇرلى تىلدەر ۇيرەنىپ جاتادى.

ەگەر ءسىز دە سولاردىڭ قاتارىنان بولساڭىز، بۇل ماقالا سىزگە كوپ كومەگىن تيگىزەرى انىق. دجەين ءوستيننىڭ «تاكاپپارلىق پەن جاڭىلىس»، ۋەللستىڭ «الەمدەر سوعىسى»، مارك تۆەن تۋىندىلارى، گەتە مەن بودلەردىڭ ولەڭدەرى نەمەسە شەكسپير سونەتتەرىن ءتۇپنۇسقادا وقىعىڭىز كەلسە، الدىمەن، تومەندە كورسەتىلگەن سايتتاردان ىزدەپ كورىڭىز.

گۋتەنبەرگ جوباسى / Project Gutenberg Project Gutenberg -  عالامتورداعى تەگىن كىتاپ ۇسىناتىن سايتتاردىڭ بىرەگەيى. بۇل -  الەمدەگى ەڭ العاشقى ەلەكتروندى كىتاپحانا.

وندا 53000 نان استام تۋىندىنى mobi مەن epub سەكىلدى بەلگىلى فورماتتاردا جۇكتەپ الۋعا بولادى. ونىڭ ۇستىنە، Project Gutenberg سايتىنىڭ سەرىكتەستەرى ارقىلى 100000 نان استام ەلەكتروندى كىتاپقا قول جەتكىزۋگە بولادى.

ءبىر ەرەكشەلىگى، بۇل سايتتا بەلگىلى ءبىر ىرىتەلگەن جازۋشىلار شىعارمالارىن ءبىر عانا فايلمەن جۇكتەۋ مۇمكىندىگى بار. بۇل وتە قولايلى. سايت اعىلشىن، نەمىس، فرانسۋز جانە پورتۋگال تىلدەرىندەگى كىتاپتار ۇسىنادى.

ەۋروپالىق ساندىق كىتاپحانا / Europeana Europeana -  الەمدىك مادەني مۇرانىڭ ميلليونداعان تۇرلەرىنە قول جەتكىزۋگە مۇمكىندىك بەرەتىن ەۋروپالىق ساندىق كىتاپحانا. كىتاپتار تەك اعىلشىن، نەمىس، فرانسۋز تىلدەرىندە عانا. سايتتى كىتاپتاردىڭ ەلەكتروندى نۇسقاسىمەن 2000 نان استام ەۋروپالىق مەكەمە قامتاماسىز ەتەدى.

ولاردىڭ قاتارىندا، بريتان كىتاپحاناسى مەن كوپتەگەن ەلدەردىڭ ۇلتتىق كىتاپحانالارى بار. امەريكا ساندىق قوعامدىق كىتاپحاناسى / Digital Public Library of America Digital Public Library of America -  ا ق ش- تىڭ قوعامدىق ەلەكتروندى كىتاپحاناسى.

ول امەريكانىڭ كىتاپحانالارى، مۇراعاتتارى جانە مۇراجايلارى قوعامدىق قورلارىنا تەگىن قول جەتكىزۋدى قامتاماسىز ەتەدى. ينتەراكتيۆتى قۇرالدار كومەگىمەن حرونولوگيا جانە كارتالار ەنگىزۋ ارقىلى بۇكىل جيناق بويىنشا ىزدەۋگە مۇمكىندىك بەرەدى. DPLA قورىن كەڭەيتۋگە New York Public Library، ميچيگان ۋنيۆەرسيتەتى، گارۆارد ۋنيۆەرسيتەتى جانە كونگرەسس كىتاپحاناسى ات سالىسادى. سايت كاتالوگى اعىلشىن، فرانسۋز، نەمىس جانە باسقا تىلدەردەگى 1,6 ميلليوننان استام مۇرانى قامتيدى. ءوزىڭىز ءۇشىن قىزىقتى ءونىمدى nlineO وقىپ نەمەسە ونى جۇكتەپ الساڭىز بولادى. ينتەرنەت مۇراعات / Internet Archive Archive.org سايتى -  ءماتىن، اۋديو جانە بەينە فايلداردىڭ كەڭ مۇراعاتى، ونىڭ ىشىندە كىتاپتار دا بار.

سايت سىزگە 5 ميلليوننان استام كىتاپتى ونلاين وقۋعا مۇمكىندىك بەرەدى. جيناقتا كونگرەسس كىتاپحاناسى، امەريكاندىق جانە كانادالىق كىتاپحانالار قازىنالارىنىڭ ساندىق نۇسقالارى بار. مۇندا بالالارعا ارنالعان كىتاپتار دا بار. ينتەرنەت مۇراعاتىنان 180-نەن استام تىلدەگى كىتاپ فايلدارىن تابا الاسىز.

اشىق كىتاپحانا / Open Library اشىق كىتاپحانادا نەگىزىنەن اعىلشىن تىلىندە شامامەن 1 ميلليون تەگىن كىتاپ بار. ونداعى تەگىن كىتاپتار كاتالوگى ۇنەمى ءوسىپ وتىرادى. بۇگىنگى تاڭدا سايتتا فانتاستيكا، رومان، ءومىربايان، ونەر كىتاپتارى جانە باسقا دا 200000 نان استام جاڭا كىتاپتار بار.

كىتاپ تەگىن ءارى قول جەتىمدى بولسا، ءسىز Read تۇيمەسىن كورەسىز، ياعني، ءسىز ونلاين وقۋعا مۇمكىندىك الاسىز. فايلداردى تانىمال فورماتتاردا دا جۇكتەۋگە بولادى. اشىق كىتاپحانانىڭ ءبىر ەرەكشەلىگى -  بارلىق كىتاپتىڭ ماتىندەرىنىڭ ىشىنەن قاجەت ءسوزدى ىزدەۋ مۇمكىندىگى. مىسالى، ءسىز قالاعان تاقىرىپ بويىنشا دايەكسوزدى تاڭداۋ ارقىلى بەلگىلى ءبىر ءسوزدىڭ الەمدىك كلاسسيكا تۋىندىلارىندا كەزدەسۋىن انىقتاي الاسىز.