باتىرحان شۇكەنوۆتىڭ بۇعان دەيىن جاريالانباعان جاڭا اندەرى تابىلدى

استانا. قازاقپارات - باتىرحان شۇكەنوۆ اتىنداعى قور قازاقستاندىق ورىنداۋشىنىڭ بۇعان دەيىن ەش جەردە ورىندالماعان جانە جاريالانباعان اندەرىنەن البوم شىعاردى، دەپ حابارلايدى قازاقپارات.

البومدى شىعارۋعا قاجەتتى قاراجات 24- مامىر كۇنى الماتىدا ءانشىنىڭ مەرەيتويىنا ارنالعان كونسەرتتەن جينالاتىن بولادى.

«كونسەرتتەن تۇسكەن قارجىعا ءبىز مۇلدەم جاڭا اندەردەن البوم شىعاراتىن بولامىز. ولاردى تولىقتاي وڭدەيمىز. بۇل اندەردى ەشكىم ەش جەردەن ەستىگەن ەمەس. بىرەۋىن عانا باتىر كونسەرتتە ورىنداعان»، - دەدى باتىرحان شۇكەنوۆ اتىنداعى قوردىڭ ديرەكتورى بايقانوۆ.

ونىڭ اتاپ وتۋىنشە، كونسەرتتە سيەۆارا نازارحان، دالەر نازاروۆ، يسلانديالىق «Mezzo forte»  توبى، قازاقستاندىق «Mezzo» توبى جانە ۆالەري مەلادزە سىندى انشىلەر ونەر كورسەتەدى.

ايتا كەتەرلىگى، 26- ءساۋىر كۇنى مۋزىكالىق تەلەارنالاردان باتىرحان شۇكەنوۆتىڭ «ناس يستسەلياەت ليۋبوۆ» دەپ اتالاتىن انىنە تۇسىرىلگەن جاڭا كليپ كورسەتىلە باستايدى. باتىرحان شۇكەنوۆ 2015-جىلدىڭ ءساۋىر ايىنىڭ سوڭعى كۇندەرىندە 53 جاسىندا ومىردەن وزدى.

اۆتور: مارلان جيەمباي