استراحاندا پوليتسەيلەرگە جاسالعان شابۋىل كىمنىڭ ارەكەتى ەكەنى انىقتالدى

استانا. قازاقپارات - «يسلام مەملەكەتى» لاڭكەستىك توبى استراحاندا ەكى پوليتسەيدىڭ ءولتىرىلۋى جانە رەسەي گۆاردياسىنا جاسالعان شابۋىل ءۇشىن جاۋاپكەرشىلىكتى ءوز موينىنا الدى.

بۇل تۋرالى سودىرلاردىڭ قىزمەتىنە مونيتورينگ جۇرگىزەتىن SITE Intelligence Group ۇيىمى حابارلادى، دەپ جازادى Gazeta.ru.

ەسكە سالايىق، 4 -ءساۋىر كۇنى استراحاندا جول- كولىك وقيعاسىنا قاتىسۋشىلار اپات ورنىنا جەتكەن پوليتسيا قىزمەتكەرلەرىن اتىپ ءولتىرىپ، ىزدەرىن سۋىتتى. كەيىن پوليتسەيلەر بەس كۇدىكتىنى ۇستادى، تاعى بەس قىلمىسكەر قاشىپ ۇلگەردى.

6 -ساۋىرگە قاراعان ءتۇنى استراحاندا بەلگىسىز ادامدار اۆتوموبيل سالونىنان رەسەي گۆاردياسىنىڭ ءۇش قىزمەتكەرىنە قارسى وق اتتى. ءۇش قۇقىق قورعاۋشى جاراقاتتانىپ، شابۋىل جاساعانداردىڭ ءبىرى ءولتىرىلدى. رەسەي گۆاردياسىنىڭ جاۋىنگەرلەرى ارنايى وپەراتسيا شەڭبەرىندە وسى ەكى شابۋىلعا قاتىسى بار بارلىق كۇدىكتىنىڭ كوزىن جويدى.