قازاقستاندىق وفيتسەر باتىس ساحاراداعى ب ۇ ۇ ميسسياسىنىڭ شتابىندا جوعارى لاۋازىمعا تاعايىندالدى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
جاڭا لاۋازىمدا دانيار يسمايلوۆ وقىتۋ ستاندارتتارىنا، ولاردىڭ تاپسىرمالاردى ءتيىمدى ورىنداۋى ءۇشىن بارلىق اسكەري قاداعالاۋشىلاردىڭ دايىندىعى مەن ازىرلىگىنە جاۋاپ بەرەدى. ونىڭ مىندەتتەرىنە شتابتاعى بارلىق اسكەري وقۋ ءىس- شارالارىن ۇيلەستىرۋ، مامانداردى دايىنداۋدى ۇيىمداستىرۋ، نەگىزگى، سونداي- اق، قاجەتتى كەشەندى جاتتىعۋلاردىڭ باسىمدىقتارىن باعالاۋ جانە انىقتاۋ كىرەدى. ودان باسقا، قازاقستاندىق وفيتسەر بۇۇ- نىڭ ميسسياسىنا قاتىسۋ ءۇشىن كەلگەن اسكەري جانە ازاماتتىق پەرسونالدان اعىلشىن تىلىنەن ەمتيحان قابىلدايدى جانە جەتەكشىلىك ەتەدى. وتكىزىلەتىن وقۋ ءىس- شارالاردىڭ مونيتورينگىسى مەن باعالاۋدى جۇرگىزەدى.
پودپولكوۆنيك دانيار يسمايلوۆ ب ۇ ۇ- نىڭ ميسسياسىندا 2016 -جىلدىڭ 11 - قاراشاسىنان باستاپ ءجۇر. بۇدان بۇرىن ول جاڭادان كەلگەن اسكەري قاداعالاۋشىلاردى وقىتۋ جانە دايىنداۋمەن، ترەنينگتەردى ۇيىمداستىرۋمەن اينالىسقان. جاڭا لاۋازىمعا ميسسيادا ءوزىنىڭ قىزمەتتىك مىندەتتەرىن ۇلگىلى جانە كاسىبي تۇرعىدا ورىنداعانى، يراكتاعى بىتىمگەرشىلىك ميسسياعا قاتىسۋداعى تاجىريبەسى مەن كاسىبيلىگى ءۇشىن تاعايىندالدى.
قازىرگى ۋاقىتتا باتىس ساحاراداعى (MINURSO) ب ۇ ۇ- نىڭ ميسسياسىندا اسكەري قاداعالاۋشىلار رەتىندە قازاقستان قارۋلى كۇشتەرىنىڭ ءتورت وفيتسەرى قاتىسىپ جاتقانىن ايتا كەتكەن ءجون. ميسسيا قولباسشىلىعىنىڭ ايتۋى بويىنشا ولاردىڭ بارلىعى، سونداي- اق، ب ۇ ۇ- نىڭ ميسسياسىنا قاتىسۋدى اياقتاعاندار وزدەرىن ءوز ىستەرىنىڭ شەبەرلەرى مەن ۇلگىلى اسكەري قىزمەتشىلەر رەتىندە كورسەتتى.
