باتىرحان شۇكەنوۆتىڭ جاڭا كليپى جارىق كورەدى
اتالعان كليپ باتىرحان شۇكەنوۆ اتىنداعى قوعامدىق قوردىڭ كۇشىمەن تۇسىرىلگەن. «بۇل جاڭا ءان. باتىر دىبىس تىرەگىن سوناۋ 2014-جىلدىڭ تامىزىندا جازعان بولاتىن. باسقا دا اندەرى بولعاندىقتان مۇنىمەن اينالىسۋعا ۋاقىتى بولماي كەيىنگە ىسىرىپ قويعان ەدى. باتىر ولاردى جيناپ ءجۇردى. انمەن، ارانجيروۆكاسىن، دىبىسىن جازۋمەن ۇزاق جۇمىس ىستەدىك. وتكەن جىلى باستاعان ەدىك، مىنە بيىل ونى تولىقتاي وڭدەپ شىقتىق»، - دەدى قازاقپارات تىلشىسىنە قوردىڭ ديرەكتورى ولجاس بايقانوۆ.
ونىڭ سوزىنە قاراعاندا، كليپتە باتىردىڭ جەكە ارحيۆىنەن، قوردىڭ PR- ديرەكتورى يۋليا ۋگلوۆا مەن كليپ رەجيسسەرى دينا ماحابباتتىڭ قورىنان الىنعان كادرلار پايدالانىلعان. سونىمەن قاتار سۋرەتشىلەر ەكاتەرينا دجەبكو مەن ەلەنا كراۆچۋكتىڭ دە كادرلارى قولدانىلعان. باتىرحان شۇكەنوۆ 2015-جىلدىڭ ءساۋىر ايىنىڭ سوڭعى كۇندەرىندە 53 جاسىندا ومىردەن وزدى.
اۆتور: مارلان جيەمباي
