ورىسشا سويلەگەن قازاق قىزى باۋىرجان بايبەكتەن ءسوز ەستىپ قالدى
پاتەر كىلتىن تابىستاۋ ءۇشىن ۇيىمداستىرىلعان ارنايى شارا بارىسىندا باسپانالى بولعان جۇلدىز ەسىمدى بويجەتكەن ءوز قۋانىشىن ورىس تىلىندە جەتكىزگەن بولاتىن. سول ساتتە الماتى قالاسىنىڭ اكىمى باۋىرجان بايبەك جۇلدىزدان قازاق تىلىندە سۇرادى:
- الماتىدا تۇراسىڭ با؟
- ءيا، تاتەممەن بىرگە تۇرامىن.
- قاي جاقتان كەلدىڭ؟
- قىزىلوردادان كەلگەنمىن ەكى جىل بۇرىن.
الماتىنىڭ اكىمى قازاقشا سويلەپ تۇرعاسىن، 99 پايىز قازاق تۇراتىن قىزىلوردادان كەلگەن جۇلدىز ۇيالىپ قالعان سەكىلدى، ءتىلى بۇل جولى قازاقشا شىقتى...
- قايدا ىستەيسىڭ؟
- بانكتە.
- پاتەرىڭ قۇتتى بولسىن! ءبىراق قازاق تىلىندە سويلەۋ كەرەك. بارلىق كەزدە قازاق تىلىندە سويلەپ ۇيرەنىڭدەر.
قىسىلىپ قالعان جۇلدىز «جارايدى» دەپ كەلىسىمىن بەردى.
الاڭعا جينالعان ەلدىڭ ءبارى باۋىرجان بايبەككە قاتتى ريزا بولىپ، قۋانا قول سوققان.
