سولتۇستىك قازاقستان وبلىسىندا تاۋلىك بويى مۇزدى بۇزۋ جۇمىستارى ءجۇرىپ جاتىر
دەپ حابارلادى سولتۇستىك قازاقستان وبلىسى ت ج د باسپا ءسوز قىزمەتىنە سىلتەمە جاساپ «قازاقپارات» ح ا ا ءتىلشىسى.
سىلەتى وزەنىنىڭ ەرەكشەلىگى - ارنالار مەن دامبالاردىڭ بولۋىندا. مۇزدى بۇزۋ قۇلىكول مەن قاراتال اۋىلدارى اراسىندا سۋدىڭ ەركىن ءوتۋىن قامتاماسىز ەتەدى. قۇتقارۋشىلار تەرەڭدىكتى ولشەدى. سۋ دەڭگەيى باياۋ قارقىنمەن ارتىپ كەلەدى. ت ج د باسپا ءسوز قىزمەتىندە سىلەتىدەگى جاعداي باقىلاۋدا ەكەنىن اتاپ ءوتتى. قۇتقارۋشىلار قاۋىپتى ۋچاسكەلەردى تورۋىلداپ، پوليتسەيلەرمەن بىرگە سۋ تاسقىنىنان زارداپ شەگۋى مۇمكىن ۇيلەردى ارالادى.
قۇلىكول مەن قاراتال كەنتىنىڭ تۇرعىندارىنا ەۆاكۋاتسيا جاريالانعان كەزدەگى ءبىرىنشى كەزەكتەگى ءىس- ارەكەت ءتۇسىندىرىلدى، مالداردى جەتكىزۋ ورىندارى كورسەتىلدى. تاياۋ كۇندەرى سولتۇستىك قازاقستان وبلىسىندا اۋا تەمپەراتۋراسى كوتەرىلىپ، قار ەري باستايدى. ءوڭىر سۋ تاسقىنى كەزەڭىنە ەرتە دايىندالدى. تاسقىننىڭ دەر كەزى، بولجام بويىنشا، ءساۋىردىڭ ەكىنشى ونكۇندىگىنە كەلەدى.
