جاقىنىڭىزدىڭ كۇناسىن كەشىرگىڭىز كەلسە، ونى «ءولتىرىڭىز» - پسيحولوگ

نۇر-سۇلتان. قازاقپارات - امەريكالىق زەرتتەۋشى برەنە براۋن جاقىندارىمىزدىڭ اۋىر كۇناسىن كەشىرۋگە كومەكتەسەتىن وڭتايلى ءتاسىلدى ۇسىندى.

اتالعان تاسىلگە سايكەس، ءبىز ءوزىمىز جەك كورىپ تۇرعان ادامنىڭ قايتىس بولعانىن بىلگەن كەزدە عانا ونىڭ اۋىر كۇنالارىنا كوز جۇما قارايدى ەكەنبىز. دەسە دە، كەشىرۋ ءۇشىن ادامدى شىن مانىندە ءولتىرۋدىڭ قاجەتى جوق. مۇنى ويشا جاساعانىڭىز دا جەتكىلىكتى.

ون جىل بويى كەشىرىم سەزىمىن اينالىپ ءوتىپ، ۇيات، باتىلدىق، وسالدىق پەن كىنانى سەزىنۋ تۋرالى جازىپ ءجۇرمىن. نە ءۇشىن؟ مەنىڭ نەگىزگى باعىتىم مەن كەشىرۋ اراسىنداعى بايلانىستى تابۋ وڭايعا سوقپادى. ورتاق ءبىر ىزگىلىكتى سيپاتتاۋ ءۇشىن قانشا اقپارات جيناسام دا، نۇكتەسىن ءدوپ باسۋ مۇمكىن بولمادى.

The Gifts Of Imperfection (... دارى نەسوۆەرشەنستۆا. كاك پوليۋبيت سەبيا تاكيم، كاكوي تى ەست) اتتى كىتابىمدى جازىپ جۇرگەن كەزدە كەشىرۋ تاقىرىبىنا جاقىنداي ءتۇستىم. يدەيانى ورنىمەن دامىتقانداي كۇي كەشتىم. ءبىراق ءۇش تەرەڭ ويعا يە سۇحبات ماتەريالىمدى باسپاعا بەرمەس بۇرىن، گيپوتەزامدى جوققا شىعاردى.

وزدەرىڭىز بىلەتىندەي، زەرتتەۋ كەزىندە سان ءتۇرلى ءادىستى قولدانۋ ءۇشىن ءبىرىڭعايلىققا يە بولۋ ورىندى (ستاتيستيكادا ولاردى «قوقىس» دەيدى). ەگەر ناتيجەنىڭ باسىم بولىگى گيپوتەزانى راستاسا، وزگەشەلىكتەرگە قاراماستان، ساندىق تەوريا دۇرىس دەپ تابىلادى.

زەرتتەۋدىڭ ساندىق ادىستەرىندە تەرەڭ ۇعىمدى سۇحباتتار اسا ۇلكەن ماڭىزدىلىققا يە بولمايدى. ءاربىر وقيعا ماڭىزدى. زەرتتەۋشىنىڭ كەز كەلگەن گيپوتەزاسى بارلىق دەرەكتەرگە تولىعىمەن جاۋاپ بەرۋى ءتيىس. ەگەر ءبىر نارسە ساي كەلمەسە، گيپوتەزا دۇرىس ەمەس بولعانى. بۇل جيىركەنىشتى جاعداي. بارلىق شەشىم قوقىس جاشىگىنە كەتكەنىمەن بىردەي. ايتكەنمەن دە، جۇمىسقا دەگەن تىك كوزقاراس ەشقاشان ۇياتقا قالدىرعان ەمەس. كەشىرۋ تۋرالى بار تاپقانىم كەيىنگى كەزەڭدەگى باسقا گيپوتەزالاردىڭ ورايىنا قالدىرىلدى.

بىردە كەشىرە ءبىلۋ تۋرالى وسيەت تىڭدادىم. دجو وزىنە اجىراسۋ الدىندا تۇرعان جۇپتىڭ كەلگەنى جايلى ايتىپ بەردى. ايەلىنىڭ ايتۋىنشا، ازاماتى ونىڭ كوزىنە ءشوپ سالعان. ەكەۋى دە ۇمىتسىزدىكتىڭ تەرەڭىنە بويلاپ كەتكەن. ايەلى ساتقىندىقتى كەشىرە المايتىنىن بىلدىرسە، كۇيەۋى ءوزىن-ءوزى كەشىرە المايتىن كورىنەدى.

دجو: «ءبىر-بىرلەرىڭىزدى كەشىرۋ ءۇشىن، ءبىر نارسەنىڭ قايتىس بولعانىنا كوز جەتكىزۋلەرىڭىز كەرەك. كەشىرگەندەرىڭىزگە كوز جەتكىزۋ ءۇشىن ءبىر نارسەدەن باز كەشۋگە تيىسسىزدەر. ءسىزدىڭ وسى ءۇشىن قايعىرۋىڭىز كەرەك. بۇل تولىق سيكل».

مەن بىردەن قولىممەن بەتىمدى باستىم. بولشەكتەنگەن دۇنيەلەر قاز قالپىنا كەلگەندەي بولدى. قۇددى ءجۇز كىلت اشا الماعان ەسىك ايقارا اشىلعانداي كۇي كەشتىم. ادامدى كەشىرۋ وڭاي ەمەس. سەبەبى، كەشىرىمگە دەگەن جول ءولىم مەن قايعى ارقىلى سالىنباق. مەن ماحاببات، مەيىرىمدىلىك سىندى قاسيەتتەردىڭ ارقاسىندا كەشىرگىم كەلدى. ءبىراق بۇل قولىمنان كەلمەدى.

ياعني ءوزىمىز كەشىرە المايتىن ادامدى ويشا ولتىرگەن كەزدە وعان دەگەن قارىم- قاتىناسىمىز تولىقتاي وزگەرەدى. ونىڭ وسى كۇنگە دەيىن جاساعان تەك جاقسى قاسيەتتەرىن ەسكە الامىز. وسىلايشا وڭاي كەشىرەمىز. قولدا باردىڭ قادىرى جوق دەگەن وسى بولار... ال جاقىندارىڭىزدىڭ اۋىر كۇنالارىن قالاي كەشىرەسىز؟