پارا العان ازاماتتىق قورعانىس پولكوۆنيگى ۇستالدى

استانا. قازاقپارات - ق ر جەمقورلىققا قارسى ءىس-قيمىل ۇلتتىق بيۋروسىنىڭ قاراعاندى وبلىستىق دەپارتامەنتى ق ر ءى ءى م توتەنشە جاعدايلار كوميتەتىنىڭ وبلىستىق دەپارتامەنتى باستىعىنىڭ ورىنباسارى، ازاماتتىق قورعانىس پولكوۆنيگى ۆ. ماگامادوۆتىڭ ءبىرقاتار جەمقورلىق قىلمىس جاساعاندىعىن اشكەرەلەدى، دەپ حابارلايدى قازاقپارات.

ۇلتتىق بيۋرو باسپا ءسوز قىزمەتىنىڭ حابارلاۋىنشا، تەرگەۋ بارىسىندا ماگامادوۆتىڭ ءوز وكىلەتتىگىن اسىرا پايدالانىپ، كاسىپكەرلىك سۋبەكتىلەردىڭ ءورت قاۋىپسىزدىگى ەرەجەسىن بۇزۋشىلىقتارى انىقتالعان كەزدەگى ايىپپۇلداردىڭ سوماسىن قاساقانا تومەندەتكەن، سونىمەن بىرگە ۇيعارىمداردىڭ ورىندالۋ مەرزىمىن سوزعانى ءۇشىن زاڭسىز سىياقى العان. «اعىمداعى جىلدىڭ 4- ساۋىرىندە ماگامادوۆ كاسىپكەردەن 200 مىڭ تەڭگە پارا الۋ بارىسىندا ۇستالىپ، قاراعاندى قالالىق ءى ءى د ۋاقىتشا وقشاۋلاعىشىنا قامالدى. سوتقا دەيىنگى تەرگەۋ امالدارى جۇرگىزىلۋدە»، - دەلىنگەن حابارلامادا.

اۆتور: مارلان جيەمباي