ترامپ: ا ق ش سولتۇستىك كورەيا ماسەلەسىندە دەربەس قيمىلداي الادى
بۇل تۋرالى ول 2 - ساۋىردە Financial Times باسىلىمىنا بەرگەن سۇحباتىندا ايتتى. ترامپ 6-7 - ساۋىردە فلوريدا شتاتىنداعى مار- ا- لاگو رەزيدەنتسياسىندا قىتاي پرەزيدەنتى شي جينپيڭمەن كەزدەسەدى.
«قىتاي سولتۇستىك كورەياعا ىقپال ەتە الادى جانە پەكين ءبىزدىڭ سولتۇستىك كورەيانىڭ يادرولىق باعدارلاماسى ماسەلەسىن رەتتەۋگە كومەكتەسۋ، ءيا كومەكتەسپەۋ تۋرالى ءبىر توقتامعا كەلۋى كەرەك. ەگەر كومەكتەسسە، وندا ول قىتايدىڭ ءوزى ءۇشىن وتە جاقسى بولماق» دەدى ا ق ش پرەزيدەنتى.
ترامپ ا ق ش- تىڭ سولتۇستىك كورەيا ماسەلەسىن قىتايدىڭ ارالاسۋىنسىز ءوزى- اق رەتتەي الاتىنىن ايتتى.
سولتۇستىك كورەيا ماسەلەسىن قالاي رەتتەمەكسىز دەگەن سۇراققا ترامپ «ونى سىزگە ايتپايمىن. مەنىڭ سىزگە تاياۋ شىعىستا قاي جەردە سوققى جاساعالى جاتقانىمدى الدىن الا ايتىپ قوياتىن بۇرىنعى ا ق ش ەمەس ەكەنىمدى بىلەسىز» دەپ جاۋاپ بەردى.
ترامپ پەن شي جينپيڭ كورەي تۇبەگىندەگى جاعدايمەن قوسا ءبىرقاتار كۇردەلى ماسەلەنى تالقىلايدى دەگەن بولجام بار. سونىمەن قاتار كۇن تارتىبىندە وڭتۇستىك قىتاي تەڭىزىندەگى تەرريتوريالىق داۋ مەن ساۋدا ماسەلەلەرى قارالماق.
ترامپ پرەزيدەنت سايلاۋى كامپانياسىندا قىتايدى ادىلەتسىز ساۋدا- ساتتىق ساياساتىن جۇرگىزىپ وتىر دەپ ايىپتاپ، قىتاي تاۋارلارىنا يمپورتتىق سالىقتىڭ كوبەيتىلەتىنىن مالىمدەگەن.
«ازاتتىق» جاڭالىقتارى
