ق ر س ءى م رەسەيدەگى تەراكتى كەزىندە قازاقستان ازاماتىنىڭ قايتىس بولعانىن راستادى
ر ف تەرگەۋ كوميتەتىنىڭ مالىمەتىنە سايكەس، بۇعان دەيىن ءىز- ءتۇزسىز جوعالدى دەگەن ماكسيم ارىشيەۆ ءساۋىردىڭ 3- كۇنى سانكت- پەتەربورداعى تەرروريستىك اكتى كەزىندە قايتىس بولدى.
قالانىڭ ەكاتەرينا اۋرۋحاناسىنداعى ءمايىتتىڭ قازاقستان ازاماتى ماكسيم ارىشيەۆتىكى ەكەنىن ونىڭ اتا- اناسى دا راستادى.
«ق ر سىرتقى ىستەر مينيسترلىگى مەن سانكت- پەتەربۋرگتەگى قازاقستاندىق ديپلوماتتار ماكسيم ارىشيەۆتىڭ تۋعان- تۋىستارىنا كومەك كورسەتىپ، ونىڭ ءمايىتىن ەلگە جەتكىزۋ بويىنشا ءىس- شارالارعا دا جاردەمدەسەتىن بولادى. مينيسترلىك ءوز تاراپىنان ماكسيمنىڭ بارلىق تۋىستارىنا، سونداي- اق وسى تەراكتىدە قۇربان بولعانداردىڭ جاقىندارىنا قايعىرىپ، كوڭىل ايتادى»، - دەلىنگەن ۆەدومستۆونىڭ رەسمي حابارلاماسىندا.
ايتا كەتەيىك، وتىرىس بارىسىندا نۇرعالي بىلىسبەكوۆ كوميتەت باسشىسىنىڭ ورىنباسارى سانكت- پەتەربۋرگ قالاسىنداعى تەراكتىگە قاتىستى بۇقارالىق اقپارات قۇرالدارىندا تاراپ جۇرگەن اقپاراتقا دا تۇسىنىكتەمە بەردى. وسى وقيعاعا بايلانىستى قازاقستاندا قاۋىپسىزدىك شارالارى كۇشەيتىلدى. جالپى، وتكەن جىلى ەلىمىزدىڭ ارنايى ورگان قىزمەتكەرلەرى 12 لاڭكەستىك اكسيانىڭ جولىن كەستى. سونداي- اق رەسەي جەرىندە ءۇش تەراكتىنىڭ الدىن الۋعا كومەكتەستى.
اۆتور: ارمان اسقاروۆ
