قازاق فيلم ءابىش كەكىلبايەۆتىڭ پوۆەسى بويىنشا كوركەم فيلمدى ءتۇسىرۋدى باستادى
«ش. ايمانوۆ اتىنداعى «قازاق فيلم» كينوستۋدياسىندا ءابىش كەكىلبايەۆتىڭ «شىڭىراۋ» پوۆەسى بويىنشا تولىق مەترلى كوركەم فيلمنىڭ تۇسىرىلىمدەرى باستالدى. فيلم مادەنيەت جانە سپورت مينيسترلىگىنىڭ تاپسىرىسى بويىنشا تۇسىرىلۋدە. فيلم سسەناريىنىڭ اۆتورى جانە رەجيسسەرى جاڭابەك جەتىرۋوۆ. ءتۇسىرىلىمنىڭ بارلىعى دەرلىك ماڭعىستاۋ وبلىسىندا قاراقيا ويپاتىندا، ءۇستىرت شوقىسى جانە كاسپي تەڭىزى جاعاسىندا تۇسىرىلەدى. فيلم ءۇشىن فورت- شيەۆچەنكو قالاسىنا جاقىن جەردەگى قانعا اۋىلىندا دەكوراتسيالار تۇرعىزىلىپ، ەلدى مەكەن فاكتۋرالاندى. باستى رولدەرگە اسىلحان تولەپوۆ پەن الدابەك شالبايەۆ بەكىتىلگەن»، دەلىنگەن حابارلامادا.
سونداي- اق، فيلمگە مۇحامەدجان مىرزاكيەۆ، داۋلەت ءابىش، قاناتبەك قۇرىمبايەۆ، ماقسات ءسابيتوۆ، ازامات شارعىن، زۋحرا سايپي دە تۇسەتىنى ءمالىم بولدى.
«كوپتەگەن وتاندىق كينەماتوگرافيستەر ۇلى ءابىش كەكىلبايەۆتىڭ پوۆەسى بويىنشا فيلم قويۋدى جانە ەكرانداۋدى ارماندادى. الايدا ءالى كۇنگە دەيىن پوۆەست ەكران تىلىندە سويلەگەن ەمەس. مەن بۇل تاقىرىپتا فيلم تۇسىرەم دەپ جۇرگەلى كوپ بولدى. سسەناريدى ءتورت جىل بۇرىن جازىپ، تۇزەتۋلەردى كۇنى بۇگىندە دەيىن ەنگىزىپ وتىردىم. قازىر مەنىڭ بار قالاۋىم ءابىش كەكىلبايەۆتىڭ پوۆەسى دەڭگەيىندەگى فيلم ءتۇسىرۋ. ءبىز لوكاتسيا مەن ناتۋرا تاڭداۋ بويىنشا كوپ جۇمىس اتقاردىق. بارلىق اكتەرلەردى بەكىتتىك. ءبىر- ەكى كۇندە ماڭعىستاۋ وبلىسىنا تۇسىرىلىمدەردى باستاۋعا جولعا شىعامىز»، - دەدى ج. جەتىرۋوۆ.
اۆتور: الماس مۇقاش ۇلى
