حالال اس جانە جۇكتىلىك
قازىرگى كەزدە اتا- انالاردان «ءبىزدىڭ بالالارىمىز ءتىلىمىزدى المايدى!» دەگەن نارازىلىق پىكىردى ءجيى ەستيمىز، نەسىنە تاڭداناسىز؟ ەگەر ءبىز ءالى دۇنيەگە كەلمەگەن سابيلەرىمىزدى، ولار انالارىنىڭ جاتىرىندا پايدا بولعان كەزدەن باستاپ حارام اسپەن قورەكتەندىرەتىن بولساق، ال ولار ەرجەتكەن سوڭ ميلارىنا حارام جاساۋ تۋرالى ويلار كەلمەگەندە نە بولماق؟ ەستەرىڭىزدە ساقتاڭىزدار، حالال اس - رۇقسات ەتىلگەن ويلار مەن ارەكەتتەردى تۋدىرسا، ال حارام اس - رۇقسات ەتىلمەگەن ويلار مەن ارەكەتتەردى تۋدىرادى.
شەيح اشراف ءالي سانۆي بىلاي ايتادى: «ەگەر بالا دۇنيەگە كەلگەنگە شەيىن ونىڭ اتا- اناسى ادال ءومىر ءسۇرىپ، اللاعا يمان كەلتىرگەندەردەن بولسا، وندا ونىڭ بالاسى دا قۇداي جولىنا بەرىلگەن ادام بولىپ شىعارى ءسوزسىز.»
دۇنيەگە ءسابي كەلەر الدىنداعى اتا- انانىڭ ىستەرى جارىق ومىرگە ءالى كەلە قويماعان بالانىڭ جەتىلۋىنە ماڭىزدى اسەرىن تيگىزەدى. ءبىر يماندى ادامنىڭ بالاسى تەنتەك بولىپ وسەدى. بىرەۋ ول كىسىدەن بىلاي سۇرايدى: «راسىندا قىزىق نارسە، ءسىز سونداي قۇداي جولىنا بەرىلگەن ادامسىز، ال بالاڭىز بولسا وتە سوتقار. بۇل قالاي بولعانى؟» سوندا يماندى ادام بىلاي جاۋاپ بەرگەن ەكەن: «بىردە كەشقۇرىم ءبىر باي ادامنىڭ ۇيىنە اسقا شاقىرىلعان ەدىم. ونىڭ كىرىسى كۇماندى بولاتىن. استان سوڭ مەنىڭ ءناپسىم قوزىپ، ايەلىممەن قوسىلدىم، ال ايەلىم جۇكتى بولىپ قالدى. ال بۇل بالا بولسا، سول كۇماندى استىڭ ناتيجەسى».
سوندىقتان، ايەلدىڭ اياعى اۋىر كەزىندە تەك رۇقسات ەتىلگەن جولمەن تابىلعان ءارتۇرلى حالال تاعامداردى جەۋ اسا ماڭىزدى. ەگەر تاعامنىڭ ادال ەكەندىگىنە كۇمانداناتىن بولساڭىز، وندا ول استان ءدام تاتۋدىڭ قاجەتى جوق.
دەرەككوز: darulfiqh.com
Muftyat.kz
