07:17, 04 - ءساۋىر 2017 | GMT +5
كايردىڭ وڭتۇستىگىنەن تاعى ءبىر كونە پيراميدا تابىلدى
استانا. قازاقپارات - كايردىڭ وڭتۇستىگىنەن ءبىزدىڭ داۋىرىمىزگە دەيىنگى XVII عاسىرعا جاتاتىن كونە پيراميدا تابىلدى.
بۇل تۋرالى ەلدىڭ كونە مۇرالار مينيسترلىگى ءمالىم ەتكەن. كونە مۇرالار دەپارتامەنتىنىڭ باسشىسى ماحمۋد افيفيدىڭ سوزىنشە، مىسىرلىق ارحەولوگيالىق ميسسيا ەل استاناسىنان وڭتۇستىككە قاراي 40 كيلومەتر قاشىقتىقتا جۇرگىزىپ جاتقان قازبا جۇمىستارى كەزىندە بولجام بويىنشا پەرعاۋىنداردىڭ XIII اۋلەتىنىڭ بيلىگى كەزىندە سالىنعان پيراميداعا تاپ بولعان، دەپ جازادى ت ا س س.
ماماندار تابىلعان عيماراتتىڭ جاقسى ساقتالعانىن ايتىپ وتىر. قازىرگى ساتتە ونىڭ كىرەبەرىسى قۇمنان ارشىلدى. پيراميدانىڭ قالعان بولىگىن ارشۋ جۇمىستارى جالعاسىپ جاتىر.
