كوز ارقىلى قانداي اۋرۋلاردى انىقتاۋعا بولادى؟
كوز ايماعى - ادامنىڭ بەت-ءجۇزىنىڭ ماڭىزدى بولىگى. ادام اداممەن سويلەسۋ بارىسىندا ونىڭ كوزىنە تىكە قارايدى، ءوزىن مازالاعان سۇراقتاردىڭ جاۋابىن كوزدەن ىزدەيدى. بايقاساڭىز، دارىگەردىڭ ءوزى ناۋقاستىڭ جۇزىنە تۋرا قاراپ سويلەيدى. سەبەبى كوز ادام اعزاسىندا بولىپ جاتقان پاتولوگيالىق اۋىتقۋشىلىقتاردى كورسەتە الادى.
كوزگە قاراۋ ارقىلى دەنساۋلىقتاعى قانداي اقاۋلاردى انىقتاۋعا بولادى؟ وسى سۇراققا جاۋاپ بەرىپ كورەلىك.
تەرىسكەننىڭ ءجيى شىعۋى
قاباق ايماعىنداعى سوزىلمالى دەرت، كوزدىڭ ءىسىنۋى، كورۋ قابىلەتىنىڭ ناشارلاۋى... بۇل سيمپتومدار كوپشىلىككە تانىس.
تەرىسكەن كوپتەگەن ادامدارعا شىعادى. قابىنۋدىڭ بۇل ءتۇرى ءىرىڭدى بولىپ كەلەدى. ول اعزاداعى يممۋندىق كۇشتەردىڭ السىرەۋىنەن بولادى. الايدا كەيدە قاباقتىڭ قابىنۋى ۇزاققا دەيىن سوزىلادى (ادەتتە 3 اي) نەمەسە قايتا-قايتا شىعادى. مۇنداي جاعدايدا دارىگەرلەر ماي بەزدەرىنىڭ وبىرىن انىقتاۋى مۇمكىن.
تەرىسكەننىڭ قاتەرلى ءتۇرى كەتپەيدى. اراعا ۋاقىت سالىپ، ءبىر جەرگە قايتا-قايتا شىعادى. قابىنعان ايماقتاعى كىرپىكتەردىڭ ءتۇسۋى دە قاتەرلى اۋرۋدىڭ بەلگىسى بولۋى مۇمكىن.
بۇل جاعدايدا ەڭ الدىمەن قابىنۋدىڭ قانداي سيپاتتا ەكەنىن انىقتاۋ قاجەت. ەگەر ول ۇزاق ۋاقىتقا دەيىن كەتپەسە، وفتالمولوگقا جۇگىنگەن ءجون. ناقتى دياگنوز قويۋ ءۇشىن ادەتتە ءتىن بيوپسياسىن جاسايدى.
سارى ىسىك
دەنەدە سارى ءتۇستى داقتاردىڭ پايدا بولۋى (ىسىككە ۇقساس) - قاباق كسانتەلازمىنىڭ پايدا بولعانىنىڭ بەلگىسى. مامانداردىڭ ايتۋىنشا، بۇل پروبلەما ادەتتە ادام قانىندا حولەستەريننىڭ شامادان تىس ارتۋىنىڭ بەلگىسى بولىپ تابىلادى. ال تامىردا پايدا بولاتىن جارالاردى ادەتتە حولەستەريندى جارا دەپ اتايدى. ادەتتە كوزدە ول مايدىڭ تۇزىلۋىمەن كورىنەدى.
حولەستەريننىڭ ارتۋى انەميا، گەپاتيت، باۋىر سيرروزى مەن وبىرى، جيلبەر سيندرومى، ءوت اعىنى، دەنەدە پارازيتتەردىڭ ارتۋىنا اپارىپ سوعۋى مۇمكىن.
مۇنداي جارالاردىڭ كولەمى ۇلكەن بولمايدى، ولار بىرنەشە توپقا توپتاسا الادى. حولەستەريندى جارالار كوزگە كورىنىپ تۇراتىندىقتان، ونىڭ قانداعى مولشەرىنىڭ ارتۋىن سىرتتاي باقىلاپ انىقتاۋعا بولادى.
قابىرشاقتىڭ پايدا بولۋى
قاباقتىڭ اينالاسىندا قابىرشاقتار پايدا بولسا، الاڭداۋعا سەبەپ بار. بۇعان بلەفاريت سەبەپ بولۋى مۇمكىن.
بۇل قاباقتاعى قابىنۋ پروتسەسى بولىپ تابىلادى. سونداي قابىرشاقتار ءار ءتۇرلى دەرماتولوگيالىق پاتولوگيالاردىڭ قايىزعاقتانۋ سالدارىنان دا بولادى. ەگەر سەبەپ دەرماتولوگيادا بولسا، ايەل ادامداردا تەرىسىنىڭ لەزدە قىزارعاندىعى بايقالادى. بۇدان بولەك وزگە بەلگىلەرىنىڭ ءبىرى بولىپ كوزدىڭ تىتىركەنۋىن جاتقىزۋعا بولادى. بىرەگەي كوزدىڭ شامادان تىس جاستانۋى نەمەسە تىم قۇرعاقتانۋى داميدى. مۇنىڭ سالدارىنان تەرى قاۋىزى پايدا بولىپ، قاباق اينالاسىنا جيناقتالادى.
مۇنداي قابىنۋدىڭ سەبەبى وتە كوپ. مىسالى: كىر قولدان جۇققان ميكروبتار، اللەرگيا، ناشار ەكولوگيا، دارۋمەندەردىڭ جەتىسپەۋى، دۇرىس تاماقتانباۋ. بلەفاريت كوبىنەسە انەميامەن اۋىراتىن ادامداردا، كاريەس، اسقازان جانە ىشەك قابىنعان جاعدايدا كەزدەسەدى.
جاعدايدى تۇزەۋ ءۇشىن ۆاننالار جانە لوسوندار قولدانادى. ولاردى مىندەتتى تۇردە قۇرعاق قولمەن جاساۋ كەرەك. پروتسەدۋرانى جاساپ بولعاننان كەيىن ساناۋلى 2 مينۋت وتكەن سوڭ قابىرشاقتىڭ كوپ بولىگى قايتادى. سوندا دا وفتالمولوگقا تەكسەرىلگەن ءجون.
كوزدىڭ سارعايۋى
ادەتتە باۋىر اۋرۋلارى بىلىنبەي پايدا بولىپ، داميدى. دەگەنمەن باۋىر دەرتىن دە ادامنىڭ كوزىنە قاراپ انىقتاۋعا بولادى. باۋىردا اقاۋ بولعان جاعدايدا، كوزدىڭ سكلەراسى (اق بولىگى) سارعايۋى مۇمكىن. جالپى كوزدىڭ سارعايۋى ءوت قابى قىزمەتىنىڭ بۇزىلۋىن، باۋىر تسيرروزىن نەمەسە گەپاتيتتى ءبىلدىرۋى عاجاپ ەمەس. كوز ءتۇسىنىڭ وزگەرۋى اعزادا بيليرۋبيننىڭ جينالىپ قالۋىمەن تۇسىندىرىلەدى. ال ول باۋىر ءوز قىزمەتىن دۇرىس اتقارا الماعان كەزدە شامادان تىس ارتىپ كەتەدى.
كەي جاعدايدا دەنەنىڭ وزگە بولىكتەرى دە سارعايۋى مۇمكىن (مىسالى، تەرى). مىندەتتى تۇردە تەز ارادا دارىگەرگە كورىگىپ، اۋرۋدىڭ قاي دەڭگەيدە ەكەنىن انىقتاۋ قاجەت.
قاستىڭ جۇقارۋى
ادەتتە ايەلدەر سۇلۋلىقتى كوزدەپ، قاستارىن تەرىپ جاتادى. الايدا كەيدە ولار وزدىگىنەن ءتۇسىپ قالادى. ولاردىڭ ۇشتەن ءبىر بولىگى تۇسكەن جاعدايدا دارىگەرگە قارالۋ قاجەت.
قۇلاققا جاقىن ماڭداعى شاشتاردىڭ ءتۇسۋى - پاتولوگيالىق اۋرۋلاردى بىلدىرەدى. ادەتتە بۇل ايماقتاعى شاشتىڭ ءتۇسۋى قالقانشا بەزى اۋرۋلارىن ءبىلدىرۋى مۇمكىن.
مۇنداي جاعدايدا ەندوكرينولوگ دارىگەرگە قارالۋ قاجەت.
