عالىمدار جالقاۋلىقتىڭ جۇعاتىنىن دالەلدەدى

استانا. قازاقپارات - فرانسياداعى ارقا جانە باس سۇيەگى ينستيتۋتىنىڭ نەيروفيزيولوگتارى - ماري ديەۆەن مەن جان دونيزو جالقاۋلىقتىڭ جانە ادام ءىس- ارەكەتىندەگى كەي ەرەكشەلىكتەردىڭ جۇعاتىنىن دالەلدەدى.

زەرتتەۋ ناتيجەسى PLoS Computational Biology جۋرنالىندا جاريالانعان، دەپ جازادى "ۋترو. رۋ".

عالىمدار 65 ەرىكتىنىڭ كومپيۋتەر ويىنىن ويناعانىن باقىلاپ وتىردى. قاتىسۋشىلار ۇسىنىلعان ارەكەتتەردىڭ بىرەۋىن تاڭداۋعا مىندەتتەلدى. تەكسەرۋ بارىسىندا عالىمدار شىدامسىزدىق جانە جالقاۋلىق سىندى قاسيەتتەردىڭ ءبىر ادامنان ەكىنشى ادامعا بەرىلەتىنىن دالەلدەدى.

ويىن باستالماس بۇرىن ويىنشىلارعا بۇرىنعى قاتىسۋشىلاردىڭ ارەكەتتەرىمەن تانىسۋ ۇسىنىلدى (شىن مانىندە ونىڭ ءرولىن جاساندى ينتەللەكت سومدادى). الگوريتمداردىڭ ءبىرى سانالى، ساق ءارى قۇنتتى ادامدى كورسەتسە، ەكىنشىسى - جالقاۋ ادامنىڭ، ال ءۇشىنشىسى اسا بەلسەندى جاننىڭ رولىندە بولدى.

مامانداردىڭ پىكىرىنشە، ءوز ورنىندا باسقا ادامنىڭ نە ىستەيتىنىن بىلگەن كەزدە ادامنىڭ شەشىمى وزگەرەدى.