07:07, 03 - ءساۋىر 2017 | GMT +5
استانادا جاڭا كونگرەسس-حولل سارايى ورتەندى
استانا. قازاقپارات - استانادا جاڭادان سالىنىپ جاتقان كونگرەسس-حولل عيماراتىنىڭ ءتورتىنشى جانە بەسىنشى قاباتتارى ارالىعىندا ءورت تۇتاندى، دەپ حابارلايدى قازاقپارات.
ەلوردالىق توتەنشە جاعدايلار دەپارتامەنتىنىڭ مالىمەتىنشە، ءورت تۋرالى قوڭىراۋ ساعات 10.17 دە تۇسكەن. ءتىلسىز جاۋ 11.20 دا اۋىزدىقتالدى. قۇرباندار مەن زارداپ شەككەندەر جوق.
«سەبەبى انىقتالاتىن بولادى، ءورت-تەحنيكالىق زەرتتەۋلەر جۇرگىزىلەدى»، - دەپ ءمالىم ەتتى ت ج د- نىڭ باسپا ءسوز قىزمەتىنەن.
ەسكە سالايىق، وتكەن جىلدىڭ سوڭىندا بۇرىنعى كونگرەسس-حوللدىڭ اتاۋى «استانا» كونسەرتتىك زالى بولىپ وزگەرتىلدى. جاڭا كونگرەسس- حولل سارايىنىڭ قۇرىلىسى ەكسپو-2017 كورمە-كەشەنىنىڭ اۋماعىندا جۇرگىزىلۋدە.
