اجەتحانا الدىنا توسەلگەن ابايدىڭ سۋرەتى سالىنعان كىلەمشە ەلدىڭ اشۋىن تۋدىردى

استانا. قازاقپارات - الماتىداعى قوعامدىق اجەتحانا الدىندا توسەلگەن ابايدىڭ سۋرەتى سالىنعان كىلەمشە ەلدىڭ اشۋىن تۋدىردى.

ۇلى اقىننىڭ سۋرەتى اياقتىڭ استىندا جاتىر.

سۋرەت Instagram جەلىسىندەگى zhest_kz پاراقشاسىندا جاريالانعان.

بۇل سۋرەت جەلى قولدانۋشىلارىنىڭ اشۋىن تۋدىردى.

ولاردىڭ ايتۋىنشا، بۇل الماتىداعى قوعامدىق اجەتحانالاردىڭ ءبىرى. ول مۇستافين مەن ءبىرجان سال كوشەلەرىنىڭ قيىلىسىنداعى «وربيتا» ساۋدا ءۇيى مەن بازار ماڭىندا ورنالاسقان بولۋى مۇمكىن.

وزگە جەلى قولدانۋشىلارى سۋرەتتى جاساندى دەپ اتادى. ولاردىڭ ايتۋىنشا، بۇل فوتوشوپ باعدارلاماسى ارقىلى ەلدى دۇرلىكتىرۋ ءۇشىن جاسالعان.

«مەنىڭشە، بۇل - فوتوشوپ. سانالى ادام مۇندايعا بارمايدى دەپ ويلايمىن. قوعامدىق اجەتحانانىڭ الدىنا كىلەمشەنى كىم توسەيدى؟»، - دەدى ولاردىڭ ءبىرى.

دەگەنمەن، قازاقستاندىقتاردىڭ كوبى بۇل جايتتىڭ سوراقىلىق ەكەنىن اتاپ ايتتى...

«مۇنى ىستەگەن ادامدى ادام دەۋگە ۇيات. ولاي بولمايدى عوي. ول ءبىزدىڭ ۇلى تۇلعامىز. قانشاما ۇرپاق ونىڭ ۇلى شىعارمالارىمەن وستىك. ماسقارا»، - دەپ جازدى ولار.