سوندەرس گولوۆكينگە سوڭعى مۇمكىندىك بەردى
دەپ حابارلايدى قازاقپارات Sports.kz سايتىنا سىلتەمە جاساپ.
«گولوۆكين، بۇل سەنىڭ سوڭعى مۇمكىندىگىڭ (قولىندا اق پاراق ۇستاپ تۇر)! مەن فرەنس ۋوررەنمەن جانە سەنىڭ پروموۋتەرىڭ توم لەففلەرمەن سويلەستىم: ول كەلىسىمشارتتى وسى اپتادا جىبەرەتىنىن ايتتى. سوندىقتان، كەلىسىمشارتقا قول قوي! ساعان بار كەرەگى - بۇل قالام. ەگەر ونى تاپپاي جۇرگەن بولساڭ، ول مەندە بار (قالامىن كورسەتۋدە) ! سەنىڭ ەلىڭدە كۇش سىناسايىق!»، - دەدى سوندەرس.
بۇعان دەيىن سوندەرس لەففلەرمەن الماسقان حاتتارىنىڭ ۇزىندىلەرىن جاريالاعان بولاتىن. وندا گولوۆكيننىڭ پروموۋتەرى بريتاندىق بوسكشىعا كەلىسىمشارتتى وسى اپتادا جىبەرەتىنىن ايتقان. توم لەففلەردىڭ ءوزى دە Boxingscene.com پورتالىنا اتالمىش كەلىسسوزدەرگە قاتىستى سۇحبات بەرگەن بولاتىن.
ايتا كەتەيىك، بۇعان دەيىن بريتاندىق بوكسشىنىڭ كومانداسى ەگەر GGG- ءدىڭ كومانداسى جەكپە- جەككە وسى اپتادا كەلىسپەسە، ودان مۇلدەم باس تارتاتىنىن ايتقان بولاتىن. ال گولوۆكين كومانداسىنىڭ وكىلى جانار وتەشيەۆا ەلىمىزدە وتكىزۋ جوسپارلانعان بۇل ايقاستىڭ تاعدىرى جانە داتاسى ءالى شەشىلمەگەنىن، قازاقستان بيلىگى ۇيىمداستىرۋشىلىق ماسەلەلەردى ءبىر جاقتى ەتۋگە اسىقپاي وتىرعانىن ءمالىم ەتكەن ەدى. گولوۆكين- سوندەرس جەكپە- جەگى بيىلعى ماۋسىم ايىندا استانا قالاسىندا ەكسپو كورمەسى اياسىندا وتەتىنى كۇتىلۋدە.
اۆتور: ميرا تولەندى قىزى
