تيبەت بۋددالارىنىڭ كوشباسشىسى موناحتىق سەرتتەن باس تارتىپ، بالا كۇنگى دوس قىزىنا ۇيلەندى

استانا. قازاقپارات - تيبەت بۋددالىق ءتورت مەكتەبىنىڭ ءبىرىنىڭ كوشباسشىسى ترينلە تحاە دوردجە ءوزىنىڭ موناحتىق مىندەتىنەن باس تارتىپ، بالا كۇنگى قۇربىسىنا ۇيلەنۋگە بەل بايلادى.

ول XVII عاسىرداعى كارماپ رەتىندە تاڭدالعان. كارماپ دەگەنىمىز - XII عاسىردا ءومىر سۇرگەن كوشباسشى كارما كاگيۋ. بۋددا ءىلىمى بويىنشا، بارلىق جاراتىلىس قايتا دۇنيەگە كەلەدى. ەرەكشە جاندار دا قايتا ومىرگە كەلەدى دەگەن نانىم بار. ءتىپتى، ءاربىر كارماپ ولەرىنىڭ الدىندا ءوزىن قايدان ىزدەۋى كەرەك ەكەنىن حاتقا جازىپ كەتەدى.

ال، كەيدە ءوزىن-ءوزى جاريالاپ، كارماپ ەكەنىن ايتاتىندار دا بولادى. كارماپتىڭ ولىمىنەن سوڭ ونىڭ جانى قونعان ادامدى ىزدەگەن ەدى. سوعان بايلانىستى قازىر ترينلە تحاە دوردجەنى كارماپ دەپ مويىندايتىندار مەن مويىندامايتىن ەكى توپ بار. ەكىنشى توپ ۋرگەنا ترينلە دوردجەنى كارماپ دەپ سانايدى.

«مەنىڭ ۇيلەنۋىم ءوزىم مەن وتباسىما جاقسى اسەر ەتەدى دەگەن سەنىمدەمىن. بۇل ءبارى ءۇشىن ساتتىلىك اكەلەدى»، - دەيدى ترينلە تحاە دوردجە.

الايدا، ترينلە تحاە دوردجە كارماپ تيتۋلىنان باس تارتپايدى.

ونىڭ تاڭداعان جارى 36 جاستاعى ءوزىنىڭ بالا كۇنگى قۇربىسى. ترينلە تحاە دوردجە تيبەتتە اۋقاتتى دۆوريان وتباسىندا ومىرگە كەلگەن. ول 1 جارىم جاسىندا ءوزىن كارماپ دەپ جاريالاعان.

ترينلە تحاە دوردجەنىڭ قارسىلاسىنىڭ اتاقتى بولۋىنىڭ وزىندىك سەبەبى بار. سەبەبى ونى دالاي لامانىڭ ءوزى تاڭداعان.

Stan.kz