قازاقستاندا جولاۋشىلار پويىزدارىنىڭ باعىتتارى وزگەردى

استانا. قازاقپارات - قازاقستاندا قاۋىپسىزدىك ماقساتىندا جولاۋشىلار پويىزدارىنىڭ باعىتتارى وزگەردى، دەپ حابارلايدى «ق ت ج» ۇ ك» ا ق باسپا ءسوز قىزمەتىنەن.

«30- ناۋرىز كۇنى كوكتەمگى سۋ تاسقىنى سالدارىنان پاۆلودار بولىمشەسىندەگى تەمىرجولدىڭ دەگەلەڭ-ماي ارالىعىن سۋ شايىپ كەتتى. وسى سەبەپتى، 31№ «الماتى-1-پاۆلودار» ، 376№ «استانا-لەنينوگورسك»، 67№ «زاشيتا-استانا» ، 68№ «استانا-زاشيتا» جولاۋشىلار پويىزدارىنىڭ باعىتتارى ر ف اۋماعىمەن - «رەسەي تەمىر جولدارى» ا ا ق- نىڭ كۋلۋندا جانە لوكوت ستانسالارى ارقىلى جۇرەتىن بولادى. وسىعان وراي، جول ءجۇرۋ ۋاقىتى ورتا ەسەپپەن 16 ساعاتقا ۇزارادى»، - دەلىنگەن حابارلامادا.

كوكتەمگى سۋ تاسقىنى سالدارىن جويۋ بويىنشا جەدەل شتاب قۇرىلدى. وقيعا ورنىندا 63 ارنايى تەحنيكا مەن 120 دان استام تەمىرجولشى جۇمىس جاساۋدا. «قازىرگى تاڭدا «ق ت ج» ۇ ك» ا ق قالپىنا كەلتىرۋ جۇمىستارىن جۇرگىزۋدە. سۋ شايۋ سالدارىن بارىنشا قىسقا ۋاقىتتا جويۋ ءۇشىن بارلىق شارالار قولعا الىناتىن بولادى»، - دەپ اتاپ ءوتتى ق ت ج باسپا ءسوز قىزمەتىنەن.