جوڭكىلگەن سۋ پاۆلودار وبلىسىنىڭ باياناۋىل اۋدانىنا جەتتى

پاۆلودار. قازاقپارات - باياناۋىل اۋدانىنىڭ تۇرعىندارى بيىلعى سۋدىڭ ادەتتەگىدەن كوپ ەكەنىن ايتۋدا، دەپ حابارلايدى «قازاقپارات» ح ا ا ءتىلشىسى.

قاردىڭ كوپ تۇسۋىنەن 2017-جىلى پاۆلودار وبلىسىنىڭ باياناۋىل اۋدانىندا سۋ دەڭگەيى كوتەرىلدى.

تۇرعىنداردىڭ كوپشىلىگى ءوز ەلدى مەكەندەرىنەن كەتۋگە قورقادى، سەبەبى رەسپۋبليكالىق ماڭىزى بار تراسسالارعا شىعار جولدى سۋ باسقان.

«قار سۋلارى تاۋدان دا، جازىق دالادان دا كەلىپ جاتىر. مەنىڭ ويىمشا، بۇگىن تۇندە قار ەري باستادى، - دەپ پىكىر ءبىلدىردى باياناۋىل اۋدانىنىڭ اكىمى ورازگەلدى قايىرگەلدينوۆ. - سۋ تاعى 10 كۇن جۇرەدى. نەگىزگى تاسقىن جولىنا توسەمەنى نىعايتتىق جانە قوسىمشا تاعى ءۇش شاقىرىم ءۇيىندى تۇرعىزدىق. سۋدى اۋىلدان بۇرىپ اكەتۋ ءۇشىن تراسسا ارقىلى كانال قازدىق. وسىلايشا، سۋدى دالاعا جىبەرەمىز».

اۋداننىڭ جاڭاتىلەك، قاراشى، تەڭدىك جانە كوكتومپاق اۋىلدارى سۋ استىندا قالۋى مۇمكىن، دەپ حابارلادى اۋداندىق اكىمدىك. ولار قاراعاندى وبلىسىمەن شەكارالاس اۋماقتا ورنالاسقان. ۇيلەردى سۋ باسپاۋ ءۇشىن قۇتقارۋشىلار ەلدى مەكەندەردە تاۋلىك بويى كەزەكشىلىك ەتۋدە جانە ارنايى تەحنيكا جۇمىس ىستەۋدە.