16:06, 30 - ناۋرىز 2017 | GMT +5
يتالياندىق الەمدە العاش رەت التىننان اياق-كيىم جاسادى
استانا. قازاقپارات - تۋرينا قالاسىنداعى يتالياندىق اياق-كيىم شەبەرى انتونيو ۆەتري الەمدە العاش رەت 24 كاراتتىق تازا التىننان تۋفلي جاسادى، دەپ حابارلايدى «روسسيسكايا گازەتا».
موكاسيندەر قارا جانە كوك ءتۇستى كۇدەرىدەن تىگىلىپ، تەرىنىڭ كومەگىمەن التىن، كۇمىس جانە پلاتينامەن بەزەندىرىلگەن ءاربىر اياق-كيىم جۇبىندا 230 گرام التىن بار.
اياق-كيىم تاپسىرىسپەن 3D- سكانەرلەۋ تەحنولوگياسىنىڭ كومەگى ارقىلى جاسالادى. Gold كوللەكتسياسىندا ۇسىنىلعان ەر كىسىلەردىڭ تۋفليىن 25 مىڭ ەۋروعا ساتىپ الۋعا بولادى. ال، ايەلدەردىڭ بيىك وكشەلى تۋفليى ساتىلىمعا وسى جىلى شىعادى، ونىڭ قۇنى 30 مىڭ ەۋرونى قۇرايدى. قازىرگى تاڭدا ۆەتري اياق-كيىمدەرىن ب ا ءا، كاتار جانە ساۋد ارابياسى سەكىلدى پارسى شىعاناعىندا ورنالاسقان ەلدەرگە اپارۋدى كوزدەپ وتىر.
