دينارا ءسادۋاقاسوۆا شاحماتتان ەرلەر اراسىنداعى ق ر چەمپيوناتىنا قاتىسادى
دەپ حابارلايدى قازاقپارات ءتىلشىسى.
سايىسقا قازاقستاننىڭ 22 ۇزدىك شاحماتشىسى قاتىسادى. ايەلدەر اراسىنداعى اقتىق سىندا جاقىندا عانا ەرلەردىڭ حالىقارالىق سپورت شەبەرى اتاعىنا يە بولعان جانسايا ابدىمالىك، گۇلىسحان ناقبايەۆا، ءمادينا داۋلەتبايەۆا، سەنورلار اراسىنداعى الەم چەمپيونى ەلەنا انكۋدينوۆا مەن سوڭعى ۋاقىتتا جاقسى ويىن ناتيجەلەرىمەن كوزگە ءتۇسىپ جۇرگەن ايسەزىم مۇحيت پەن ارناش باۋىرجان قاتىسادى.
ەرلەر اراسىنداعى فينالدا قازاقستان چەمپيونى اتاعى ءۇشىن ەلىمىزدىڭ قازىرگى چەمپيونى پەتر كوستەنكو جانە قازاقستان شاحماتشىلار رەيتينگىسىندە 1- ورىندا تۇرعان رينات جۇمابايەۆ، مۇرتاس قاجعاليەۆ، كيريلل كۋدەرينوۆ جانە يۋنيورلار دەنيس ماحنيەۆ پەن جانات ساين، جاندوس اعمانوۆ باق سىنايدى. قازاقستان شاحمات فەدەراتسياسىنىڭ قوعاممەن بايلانىس ءبولىمىنىڭ مامانى رومان رايفەلدىڭ ايتۋىنشا، تۇڭعىش رەت قازاقستاننىڭ ەرلەر اراسىنداعى چەمپيوناتىنا دينارا ءسادۋاقاسوۆا قاتىسادى.
دينارا سادۋاقاسوۆا - الەمنىڭ ۇزدىك 40 شاحماتشىسى تىزىمىنە ەنگەن، جاقىندا عانا ەرلەردىڭ حالىقارالىق سپورت شەبەرى اتاعىن العان قازاقستان شاحمات فەدەراتسياسىنىڭ ارنايى نومينانتى.
«مەن قازاقستان شاحمات فەدەراتسياسىنا ءوتىنىش جازىپ، ەرلەر اراسىنداعى ەل چەمپيوناتىنا قاتىستىرۋدى سۇرادىم. مەنىڭ ءوتىنىشىمدى قابىل العانىنا قۋانىشتىمىن. مەن كوپتەن بەرى ءارتۇرلى تۋرنيرلەردە ەر ادامدارمەن سىناسىپ كەلەمىن. بۇل جەردە ايتارلىقتاي ەرەكشەلىك كورىپ تۇرعانىم جوق»، - دەدى دينارا ءسادۋاقاسوۆا.
اۆتور: الماس مۇقاش ۇلى
