تورەگەلدى شارمانوۆ ۇزاق جاساۋدىڭ قۇپياسىن اشتى

استانا. قازاقپارات-  اكادەميك تورەگەلدى شارمانوۆ ۇزاق جاساۋىنىڭ قۇپياسىمەن ءبولىستى. بۇل تۋرالى «نۇر وتان» پارتياسى ءتوراعاسىنىڭ ءبىرىنشى ورىنباسارى مۇحتار قۇل- مۇحاممەد پەن الماتى قالاسىنىڭ اكىمى باۋىرجان بايبەكپەن كەزدەسۋى بارىسىندا ايتتى.

 اكادەميكتىڭ زاۋىتىندا بولعان ولار بيە ءسۇتىن وڭدەۋدىڭ بىرەگەي تەحنولوگياسىمەن تانىستى. كاسىپورىندا سۇتتەن 30 ءتۇرلى ءونىم دايىندالادى.

 زاۋىتتا شىعارىلاتىن تاۋارلار اعزانىڭ جاسارۋىنا كومەكتەسەدى، قاتەرلى ىسىك سياقتى اۋىر سىرقاتتارمەن كۇرەسۋدە بەرەرى مول. بيىل تورەگەلدى شارمانوۆ 87 جاسقا تولادى. ءوزىنىڭ ۇزاق جاساۋ قۇپياسىن ول ۇنەمى بيە ءسۇتىن پايدالانۋمەن بايلانىستىرادى. سوندىقتان، قازاقستاندىقتاردى كۇندەلىكتى اس مازىرىنە ءمان بەرىپ، ەكولوگيالىق تازا تاعامدى پايدالانۋعا شاقىردى. ايتۋىنشا، بۇلاردىڭ پايدالى قاسيەتىن بابالارىمىز جاقسى تۇسىنگەن.

تورەگەلدى شارمانوۆ، قازاق تاعامتانۋ اكادەمياسىنىڭ پرەزيدەنتى:

 «ءسابي ءنار» دەپ شىعاردىق ساۋمالدىڭ ەسەبىنەن. وعان ۆيتاميندەر قوسىلادى، سوسىن جاڭاعى ترانس يزاميرلەر جوق بولعان، وعان قاراما- قايشى رەسفيراتول دەگەن وتە پايدالى. مىسالى، ادامنىڭ جۇرەگىن، مي اينالىسىن جاقسارتاتىن.

مۇحتار قۇل- مۇحاممەد، «نۇر وتان» پارتياسى ءتوراعاسىنىڭ ءبىرىنشى ورىنباسارى:

 ەلباسىمىزدىڭ جولداۋىن جۇزەگە اسىرۋعا ەلىمىزدىڭ ۇلكەن عالىمدارى دا ۇلەسىن قوسۋدا. سولاردىڭ ىشىندە ەسىمى بۇكىل دۇنيەجۇزىنە ءمالىم اكادەميك تورەگەلدى شارمانوۆ اعامىز، جاسىنىڭ ەگدە تارتقانىنا قاراماستان، الماتىنىڭ ءدال ورتاسىندا الەمدەگى باسەكەگە قابىلەتتى، ءنارلى، پايدالى، ەكولوگيالىق جاعىنان تازا بيە سۇتىنەن جاساعان ەلۋگە جۋىق تاعامداردى شىعارىپ وتىر. بۇل عالىمداردىڭ ەلباسىنىڭ جولداۋىن جۇزەگە اسىرۋعا قوسقان ناقتى ۇلەسى دەپ بىلەمىز.

ASTANATV. KZ