قازاقستان الەمنىڭ ادەبي كارتاسىنا ەندى
الەمنىڭ ادەبي كارتاسىنا ەنگەن قازاقستان مۇحتار اۋەزوۆتىڭ «اباي جولى» رومان- ەپوپەياسىمەن كورسەتىلگەن.
سونىمەن قاتار كارتاعا ورتالىق ازيا ەلدەرى دە ەنگەن.
مىسالى، قىرعىزستان - شىڭعىس ايتماتوۆتىڭ «ءجاميلا» پوۆەسىمەن، تاجىكستان - اندرەي ۆولوستىڭ «حۋرراماباد» رومانىمەن، وزبەكستان - توم بيسسەلدىڭ «تەڭىزدى ىزدەۋ: ورتالىق ازيانىڭ ەلەستەر اراسىندا عايىپ بولعان يمپەرياسى» ەڭبەگىمەن ۇسىنىلعان.
وكىنىشكە قاراي، تۇركىمەنستان بۇل كارتاعا ەنبەي قالعان.
موڭعوليانى چيناگين گالساننىڭ العاش رەت نەمىس تىلىندە جاريالانعان «كوك اسپان» رومانى تانىستىرادى.
سونىمەن قاتار، كارتاعا ەنگەن باسقا ەلدەرگە توقتالىپ وتسەك: رەسەي - «سوعىس جانە بەبىتشىلىك» (ليەۆ تولستوي)، ا ق ش - «قىلجاقباستى ءولتىرۋ» (حارپەر لي)، قىتاي - « قىزىل تەرەمدەگى ۇيقى» (ساۋ سيۋەتسين)، كانادا - «جاسىل مەزونيندە تۇراتىن انيا» (ليۋسي مود مونتگومەري)، ۋكراينا - «مۇز ۇستىندەگى پيكنيك» (اندرەي كۋركوۆ)، بەلارۋس - «چەرنوبىل دۇعاسى» (سۆەتلانا الەكسيەۆيچ)، ۇلى بريتانيا - «تاكاپپارلىق جانە تەرىس ۇعىم» (دجەين وستين)، شۆەتسيا - «دراكون تاتۋيروۆكالى بويجەتكەن» (ستيگ لارسسون)، چەحيا - «تۇرمىستىڭ توزگىسىز جەڭىلدىگى» (ميلان كۋندەرا)، گەرمانيا - «پريەۆراشەنيە» (فرانتس كافكا)، فرانسيا - «شەتتەتىلگەندەر» (ۆيكتور گيۋگو)، تۇركيا - «مەنىڭ اتىم - قىزىل» (ورحان پامۋك)، وڭتۇستىك كورەيا - «ۆەگەتاريان قىز» (حان كانگ)، جاپونيا - «جەلىكپە قۇستىڭ حرونيكالارى» (حارۋكي مۋراكامي).
