رەسەي باتىس ۋكراينا ماسەلەسىنىڭ شەشىم تاپقانىن قالامايدى
سوڭعى كەزدە تۋىنداپ جاتقان وقيعالار دا ەكى ەل اراسىنداعى تەكە-تىرەستى ۇلعايتىپ، ءوڭىردىڭ قايشىلىعىن اسقىندىردى دەپ جازادى Qazaqtimes.kz.
كورشىلەس، ۇقساس تاريح پەن مادەنيەتكە يە ەكى ەلدىڭ دە ىنتىماقتاسا ءومىر ءسۇرۋى نەلىكتەن قيىنعا تۇسەدى؟ بۇل سۇراقتىڭ جاۋابى كوپشىلىگىمىزگە تۇسىنىكتى مۇددە قايشىلىعىندا جاتسا كەرەك. دەسە دە، بۇل ماسەلەنى بىرنەشە تاقىرىپقا ءبولىپ قاراستىرۋعا تۋرا كەلەدى.
رەسەيدىڭ سپۋتنيكتىك جەلىسىنىڭ حابارلاۋىنشا، 23- ناۋرىز كۇنى پۋتين بيلىگىنىڭ قارسى رەسەيدىڭ بۇرىنعى وپپوزيتسيا مۇشەسى كراكوۆ ۋكراينا استاناسى كيەۆتە اتىپ ءولتىرىلدى. وسىدان كەيىن ۋكراينا پرەزيدەنتىنىڭ باسپا ءسوز حاتشىسى مالىمدەمە جاريالاپ: «بۇل رەسەيدىڭ جىڭىشكەلىكپەن جوسپارلاعان كىسى ءولتىرۋ ءىسى بولىپ تابىلادى»، - دەگەن.
ال، بۇعان «كيەۆ تارابىنىڭ كراكوۆتىڭ ءولتىرىلۋىن رەسەيلىك بارلاۋ اگەنتتەرىنە يتەرۋى كۇلكىلى»، - دەپ جاۋاپ بەردى رەسەي پرەزيدەنتىنىڭ وكىلى پەسكوۆ.
وسىعان قاراتا ا ق ش- تىڭ «اتلانت ايلىعى» باسىلىمى ارنايى ماقالا جاريالاعان بولاتىن. ماقالادا: «ءبىز ونىڭ كىمدەر جاعىنان ولتىرىلگەنىنە تولىقتاي سەنىمدى ەمەسپىز، الايدا ەكى مۇمكىندىكتىڭ بار ەكەنى انىق. قاتىستى زەرتتەۋلەر مەن ناتيجەلەر رەسەي مەن ۋكراينا اراسىنداعى ساياسي ويىندار مەن ەگەستى نەگىزگى سەبەپ ەتىپ كورسەتىپ وتىر»، - دەگەن قورتىندى ايتىلعان.
وسىدان ءبىر اي بۇرىن، 18- اقپاندا رەسەي سپۋتنيكتىك جەلىسى پۋتيننىڭ ماڭىزدى جارلىققا قول قويعانىن حابارلاعان ەدى. بۇل دونەتسك جانە لۋگانسك ايماقتارىندا ۋكراينا ازاماتتارىن جانە ازاماتتىعى جوق تۇلعالاردىڭ قۇجاتتارىن، ديپلومدارىن، نەكە كۋالىگى تاعى باسقا دا قۇجاتتارىن مويىنداۋ تۋرالى جارلىق بولاتىن.
بۇعان قارسى ۋكراينا مەملەكەتتىك اقپارات قىزمەتى پۋتيننىڭ شىنداپ جارلىق شىعارىپ، ۋكراينا تەرريتورياسىن زاڭسىز باسقارۋعا العانىن سىنعا العان.
