رونالدۋ الەمدەگى كىرىسى ەڭ كوپ فۋتبولشى اتاندى

استانا. قازاقپارات - پورتۋگاليا قۇراماسى مەن يسپانيانىڭ «رەال» فۋتبول كلۋبىندا ونەر كورسەتەتىن كريشتيانۋ رونالدۋ بيىلعى جىلدىڭ ەڭ جوعارى جالاقى الاتىن فۋتبولشىسى رەتىندە تىركەلدى.

بۇل تۋرالى تاسس France Football جۋرنالىنا سىلتەمە جاساپ حابارلايدى.

جۋرنالدىڭ رەيتينگى جالاقى مەن سىياقىنىڭ سونداي- اق جارنامادان كەلەتىن كىرىستەردى نەگىزىندە جاسالعان. 32 جاسار پورتۋگالدىق ءبىر ماۋسىم ىشىندە €87,5 ميلليون تاپقان. ەكىنشى ورىندا «بارسەلونا» كومانداسىنىڭ فورۆاردى ليونەل مەسسي (76,5)، ءۇشىنشى ورىندا وسى كوماندانىڭ مۇشەسى برازيليالىق نەيمار (55,5) تۇر.

ەڭ جوعارى جالاقى الاتىن باپكەرلەردىڭ كوشىن اعىلشىنداردىڭ «مانچەستەر يۋنايتەد» كلۋبىن باسقاراتىن جوزە موۋرينيۋ باستاپ تۇر. ول ءبىر ماۋسىمدا €28 ميلليون پايدا تاپقان. ەكىنشى ورىنعا قىتاي قۇراماسىنىڭ باس باپكەرى مارچەللو ليپپي (23,5)، ءۇشىنشى ورىنعا فرانسيالىق پ س ج - نىڭ بۇرىنعى باپكەرى لوران بلان (20) تۇراقتاعان.