22:03, 27 - ناۋرىز 2017 | GMT +5
ديماش قۇدايبەرگەن ازيانىڭ ەڭ تانىمال ءانشىسى نوميناتسياسى بويىنشا ماراپاتتالدى - فوتو
استانا. قازاقپارات - 24- كەزەكتى «China Top music Awards» شاراسى قىتايدىڭ شاڭحاي قالاسى Mercedes Benz Arena-سىندا ءوتىپ، قازاقستاندىق ءانشى ديماش قۇدايبەرگەن شارانىڭ «ازيانىڭ ەڭ تانىمال ءانشىسى» نوميناتسياسى بويىنشا ماراپاتتالدى،
دەپ حابارلايدى قازاقپارات ءتىلشىسى.
كەشتە ديماش ءوزىن بارشا الەمگە تانىمال بولۋىنا سەبەپكەر، الەمدە ەڭ قيىن بەس ءاننىڭ ءبىرى سانالاتىن فرانسۋزدىڭ «SOS d'un terrien endétresse» ءانىن شىرقاپ، كوپشىلىكتىڭ كوڭىلىنەن شىقتى. بۇعان دەيىن ديماش شارانىڭ قىزىل كىلەمىنەن ءوتىپ، جانكۇيەرلەرىنىڭ ىستىق ىقىلاسىنا بولەنگەنى تۋرالى حابارلاعان بولاتىنبىز.
ايتە كەتەرلىگى، «China Top music Awards»- ازيا ەلدەرىندەگى ەڭ تانىمال انشىلەردىڭ باسىن قوساتىن ۇلكەن مەرەكەلىك شارا. بۇل كۇندە ول قىتاي مۋزىكالىق قوعامداستىعىنداعى ەڭ ايتۋلى وقيعالاردىڭ ءبىرى سانالادى. سونىمەن قاتار وسى سىيلىقتى «قىتايلىق گرەمي» دەپ تە اتايدى.
اۆتور: مۇحتار قاليموللا ۇلى
