وباما كىتاپ جازۋ ءۇشىن فرانسۋز پولينەزياسى ارالىنا اتتاندى

استانا. قازاقپارات - سەگىز جىل ەل باسقارعان ا ق ش- تىڭ بۇرىنعى پرەزيدەنتى باراك وباما فرانسۋز پولينەزياسىنداعى تەتيروا ارالىنا اتتاندى.

وندا ول اق ۇيدە باسشىلىق ەتكەن ءومىرى تۋرالى ەستەلىكتەر جازباق. بۇل تۋرالى The Washington Post گازەتى بۇرىنعى امەريكالىق كوشباسشىنىڭ جاقىندارى اراسىنداعى دەرەككوزگە سىلتەمە جاساپ حابارلادى.

بۇعان دەيىن باراك پەن ميشەل وبامالار 60 ميلليون دوللارعا ەستەلىكتەر جازىلعان ەكى كىتاپقا اۆتورلىق قۇقىقتى ساتاتىندىعىن جاريالاعان ەدى.

كىتاپتاردى Penguin Random House باسپا ءۇيى باسىپ شىعارادى. الايدا، گازەت ەكس-پرەزيدەنتتىڭ كىتاپتى جازۋ پروتسەسى تۋرالى قوسىمشا اقپاراتتاردى جاريالامادى.

وباما 2008-جىلى ا ق ش پرەزيدەنتى بولىپ تاعايىندالدى. ال، 2012-جىلى ەكىنشى رەت قايتا سايلاندى. اعىمداعى جىلدىڭ قاڭتار ايىندا وباما مەملەكەت باسشىسى وكىلەتتىگىن رەسپۋبليكاشىل دونالد ترامپقا تابىستادى.