10:46, 27 - ناۋرىز 2017 | GMT +5
لوندوندا ەۋرووداقتان شىعۋعا قارسى شەرۋ ءوتتى
استانا. قازاقپارات - ۇلى بريتانيا استاناسى لوندوندا ەلدىڭ ەۋرووداق ايماعىندا قالۋىن تالاپ ەتكەن شەرۋ ءوتتى، دەپ جازادى «حابار 24».
بەيبىت شاراعا 50 مىڭ ادام قاتىستى. شاھاردىڭ ورتالىق كوشەلەرىمەن جۇرگەن شەرۋشىلەر پارلامەنت الدىنا جينالىپ، سارسەنبى كۇنى بولعان لاڭكەستىك قۇرباندارىن ەسكە الدى.
اكسيا ءبىر ەسەپتەن وداقتىڭ قۇرىلۋىنا 60 جىل تولۋىنا ورايلاستىرىلعان. ماقسات - ەلدىڭ ەۋروايماقتان شىعۋىن قالامايتىنىن جەتكىزۋ. مۇنداي شەرۋ شوتلانديا استاناسى ەدينبۋرگتە دە ءوتتى.
ايتا كەتەيىك، ۇلى بريتانيادا وتكەن جىلى ەۋرووداقتان شىعۋ جونىندە رەفەرەندۋم ءوتىپ، ونى داۋىس بەرۋشىلەردىڭ جارتىسىنان كوبى قولداعان. جاقىندا ەل پارلامەنتى ۇكىمەتكە وسى پروتسەستى باستاۋعا رۇقسات بەرىپ، ەكى كۇننەن كەيىن رەسمي لوندون بۇل تۋرالى بريۋسسەلگە رەسمي حات جولداۋى مۇمكىن.
