استانالىقتار «جەر ۋاقىتى» ەكولوگيالىق اكسياسىنا اتسالىستى
دەپ حابارلايدى «قازاقپارات» ح ا ا ءتىلشىسى.
ءبىر مەزەتتە باس قالاداعى «استانا وپەرا» ۇلتتىق وپەرا جانە بالەت تەاترى، «استانا بايتەرەك» مونۋمەنتى، «ماڭگىلىك ەل» تريۋمفالدى اركاسى، تاۋەلسىزدىك سارايى، «حازىرەت سۇلتان» مەشىتى، «استانا ارەنا» ستاديونى ءتارىزدى عيماراتتار مەن ەسكەرتكىشتەر سىرتقى جارىق شامدارىن ءوشىردى.
ەستافەتا جاڭادان اشىلعان «MEGA SilkWay» ساۋدا ويىن- ساۋىق ورتالىعىنا تاپسىرىلدى. وسىندا «جەر ۋاقىتى» اكسياسىنا ارنالعان سالتاناتتى شارا باعدارلاماسىنىڭ اشىلۋى ءوتتى. اتالمىش شارا اياسىندا بۇكىل الەم جانە قازاقستاندا قولعا الىنعان (WWF) جابايى تابيعات دۇنيەجۇزىلىك قوعامىنىڭ ەكولوگيالىق باستاماسىنىڭ تۇساۋ كەسۋى ءوتتى. بيىلعى جىلى «جەر ۋاقىتى-2017» اكسياسىنىڭ استاناداعى ۇيىمداستىرۋشىسى قالا اكىمدىگى، G- Global حالىقارالىق حاتشىلىعى، جەر قورى، «بايتاق بولاشاق» ەكولوگيالىق اليانسى جانە قازاقستانداعى ب ۇ ۇ دامۋ باعدارلاماسى بولدى.
اكسياعا قالا اكىمىنىڭ ورىنباسارى ەرمەك امانشايەۆ، ق ر پارلامەنتى ءماجىلىسىنىڭ 5-6 - شاقىرىلىمىنداعى دەپۋتاتى ايگۇل سولوۆيەۆا، اقىن، جازۋشى، قوعام جانە ساياسي قايراتكەر، «نيەۆادا- سەمەي» قوزعالىسىنىڭ جەتەكشىسى ولجاس سۇلەيمەنوۆ، ق ر ەڭبەگى سىڭگەن جاتتىقتىرۋشىسى ۆاسيلي جيروۆ قاتىستى.
ۇيىمداستىرۋشىلار تاراپىنان كونسەرتتىك باعدارلامالار ۇسىنىلىپ، ەلىمىزدىڭ ەسترادا جۇلدىزدارى ونەر كورسەتتى.
ەسكە سالا كەتەيىك، «جەر ۋاقىتى» بۇل WWF باستاماسىمەن قولعا الىناتىن عالامشارداعى بۇقارالىق سيپاتتاعى ەكولوگيالىق اكتسيا. وعان الەمنىڭ 175 ەلىندەگى 7000 قالا مەن ولاردىڭ 2 ميللياردتان استام تۇرعىنى قاتىسادى. اكسيا بارىسىندا الەمنىڭ ءار تۇكپىرىندە ءبىر ۋاقىتتا جارىق وشىرىلەدى. بيىل بۇل اكسيا ونىنشى رەت ۇيىمداستىرىلىپ وتىر. قازاقستاندا 25 - ناۋرىز كۇنى كەشكى ساعات 20:30 باستالدى.
اۆتور: اسلان وسپانوۆ
