رەسەي يادرولىق قارۋلانۋعا تىيىم سالۋ كەلىسسوزىنەن باس تارتتى. نەگە؟
رەسەي بيلىگى «يادرولىق قارۋلانۋعا تىيىم سالۋعا ءالى ەرتە، ياعني، ۋاقىتى كەلگەن جوق» دەپ ەسەپتەگەندىكتەن وسىنداي شەشىم قابىلداعان.
بۇل جايىندا «كوممەرسانت» مەرزىمدى باسىلىمى ر ف سىرتقى ىستەر مينيسترلىگىنىڭ قارۋدى تاراتپاۋ جانە باقىلاۋ ماسەلەلەرىمەن اينالىساتىن دەپارتامەنت ديرەكتورى ميحايل ۋليانوۆقا سىلتەمە جاساي وتىرىپ، حابار تاراتتى.
ميحايل ۋليانوۆ رف بيلىگىنىڭ الەمنىڭ يادرولىق قارۋلانۋىنا قارسى ەكەنىن جەتكىزە كەلە بۇل شارانىڭ سانالى تۇردە، كەزەڭ-كەزەڭىمەن جانە بارلىق جاعدايدى ەسكەرە كەلگەندە عانا ءوز ناتيجەسىن بەرەتىنىن مالىمدەدى.
ديپلوماتتىڭ تۇسىندىرۋىنشە، بۇل ماسەلە سونشالىقتى وزەكتى بولىپ وتىرعان جوق بۇگىنگى تاڭدا، ويتكەنى، ونىڭ ايتۋىنشا، يادرولىق قارۋ، ءبىر جاعىنان، الەمدەگى تۇراقتىلىق جانە تەپە-تەڭدىكتىڭ كەپىلى بولىپ وتىر.
ايتا كەتەيىك، تەك رەسەي عانا ەمەس، سونىمەن قاتار، قىتاي مەن ا ق ش- تىڭ ءوزى دە بۇل ماسەلەدە اسىعىستىق تانىتپاۋ كەرەكتىگىن العا تارتىپ وتىر. ناقتىراق ايتقاندا، ا ق ش- تىڭ ۇلتتىق قاۋىپسىزدىك كەڭەسىنىڭ ديرەكتورى كريستوفەر فورد اتالمىش باستاماعا تۇبەگەيلى قارسى ەكەنىن جەتكىزدى.
ەستەرىڭىزگە سالا كەتسەك، يادرولىق قارۋلانۋعا تىيىم سالۋ كونۆەنتسياسىن ازىرلەۋدى بىرىككەن ۇلتتار ۇيىمىنىڭ باس اسسامبلەياسى ۇسىنىپ، وسى ماقساتتا حالىقارالىق كەلىسسوز جۇرگىزۋ تۋرالى شەشىم قابىلداعان ەدى.
ب ۇ ۇ- نىڭ بۇل باستاماسىن 2016-جىلدىڭ جەلتوقسان ايىنىڭ 23 ءى كۇنى الەمنىڭ 113 ەلى قولدادى، 13 مەملەكەت قالىس قالىپ، 35 ءى قارسى شىقتى.
