فرانسيانىڭ ليلل قالاسىندا بەلگىسىز بىرەۋ اتىس ۇيىمداستىردى

استانا. قازاقپارات - فرانسيانىڭ ليلل قالاسىندا اتىس بولىپ، ءۇش ادام جاراقات الدى.

زارداپ شەككەندەردىڭ ىشىندە 14 جاستاعى جاس ءوسپىرىم بار. La Voix du Nord باسىلىمى حابارلاعانداي، اتىس قالانىڭ وڭتۇستىگىندەگى Porte d'Arras مەتروسى ستانساسى اۋماعىندا بولدى.

جەرگىلىكتى بيلىك Franceinfo باسىلىمىنىڭ اقپاراتىن راستادى. 14 جاستاعى جاس ءوسپىرىمنىڭ اياعىنا وق تيگەن. تاعى بىرەۋى موينىنان جاراقات الدى. ولار اۋرۋحاناعا جەتكىزىلدى. ءۇشىنشى ادام Saint-Vincent-de-Paul اۋرۋحاناسىنا ءوزى بارعان.

France Bleu Nord راديوسى وق اتقان ادام وقيعا ورنىنان بوي تاسالاعانىن حابارلادى. راديوستانسانىڭ اقپاراتىنا سايكەس، اتىس پوليتسيا جۇمىس ىستەيتىن ورىنداعى اۆتوتۇراقتا بولعان.

ول جەردەن ون شاقتى گيلزا تابىلدى. La Voix du Nord اقپاراتىنا سۇيەنسەك، الدىن الا دەرەككە سايكەس وق اتقان ادام بىرەۋمەن ەسەپ ايىرىسپاقشى بولعان.