قىتايداعى قازاق بوكسشىسى ناۋرىز مەيرامىنا وراي بەينە-قۇتتىقتاۋ جولدادى
«اسسالاۋماعالەيكۋم، بارشا قازاق جۇرتى! ۇلىستىڭ ۇلى كۇنى ناۋرىز مەرەكەسى قۇتتى بولسىن. بارشا قازاق شاڭىراعىنا باقىتتى دا، باياندى ءومىر سۇرۋگە ءناسىپ ەتسىن! قازاق ەلى، قازاق سپورتى ۇلكەن بەلەستەردى باعىندىرىپ، جەڭىستەردەن جەڭىسكە جەتە بەرسىن! استانا قالاسىندا بولاتىن ەكسپو كورمەسىنىڭ ءساتتى وتۋىنە شىن جۇرەكتەن تىلەكتەسپىن!»، - دەدى ول ءوز تىلەگىندە.
ايتا كەتەيىك، قىتايلىق جانكۇيەرلەر گولوۆكيننىڭ ءىزباسارى دەپ، «OneG» اتاپ كەتكەن بەيسەنبى كاسىبي رينگتە جالپى 12 كەزدەسۋ وتكىزىپ، 11 ايقاستا جەڭىسكە جەتكەن (5 نوكاۋت) جانە بىرەۋىندە تەڭ تۇسكەن.
قانداسىمىز 2015-جىلى 7 كەزدەسۋ، 2016-جىلى 5 كەزدەسۋ وتكىزىپ، WBC نۇسقاسى بويىنشا بوكستان جاستار اراسىنداعى الەم چەمپيونى (WBC World Youth Champion) جانە WBA بويىنشا قىتاي چەمپيونى اتانعان بولاتىن.
«اللا قالاسا كەلەسى قارسىلاسىم - جاپوندىق بوكسشى تايشو وزاۆا. بۇل جەكپە-جەكتە مەن WBA نۇسقاسى بويىنشا ازيا چەمپيونى اتاعى ءۇشىن تالاسپاقپىن»، - دەيدى قانداسىمىز. تايشو وزاۆا كاسىپقوي رينگتە 32 كەزدەسۋ وتكىزگەن، ونىڭ 21-ىندە جەڭىسكە جەتىپ، 13 ءىن مەرزىمىنەن بۇرىن اياقتاعان. سونداي-اق، 9 رەت جەڭىلىس تاۋىپ، ەكەۋىندە تەڭ تۇسكەن.
