كەسىرتكە تەننيس ماتچىنىڭ جۇلدىزىنا اينالدى - كەسكىن

استانا. قازاقپارات - ماياميدە Masters دارەجەسىندەگى بەدەلدى تەننيس تۋرنيرىنىڭ ءبىرىنشى اينالىمىنداعى نەمىس توممي حااس پەن چەح يرجي ۆەسەلى اراسىنداعى ماتچ ءىرى كەسىرتكەنىڭ سالدارىنان توقتاتىلدى.

الدىمەن باۋىرىمەن جورعالاۋشى تابلوعا ورمەلەپ شىققان. ءبىراق جارىستى ۇيىمداستىرۋشىلاردىڭ ونى تۇسىرۋگە جاساعان ارەكەتىنەن سوڭ كورتتىڭ باسقا بولىگىنە زىمىرادى. سالدارىنان كەزدەسۋ بىرنەشە ۋاقىتقا توقتاتىلدى.

دەگەنمەن ويىنشىلار ودان قورقا قويعان جوق. حااس بۇل قىزىقتى وقيعانى تەلەفونعا ءتۇسىرىپ السا، ۆەسەلى ورىندىققا جايعاستى. ستاديون قىزمەتكەرلەرى يگۋاندى ۇستاپ العاننان كەيىن كەزدەسۋ قايتا جالعاستى.

قورىتىندىسىندا حااس ۆەسەلىدان 7:6 (7:5)، 3:6, 5:7 ەسەبىمەن جەڭىلدى.