ديماشتىڭ فينالىنداعى قارسىلاستارى انىقتالدى
ناتيجەسىندە، فينالعا جولدامانى جەتى ءانشى الدى. بۇعان دەيىن حابارلاعانىمىزداي، 10 كەزەڭنەن تۇراتىن بايقاۋدىڭ ىرىكتەۋ كەزەڭى ءوز مارەسىنە جەتتى.
جوبانىڭ باستاپقى ءۇش ءانشىسى، سونىڭ ىشىندە د. قۇدايبەرگەن اقتىق سىنعا تىكەلەي جولداما الدى.
ال كەشە عانا بولىپ وتكەن «جۇباتۋ» باسەكەسىنە بايقاۋدان شىعىپ قالعان 10 ءانشى قاتىسىپ، ونىڭ تەك 7-ەۋى فينالعا شىقتى. وسىلايشا، بايقاۋدىڭ شەشۋشى باسەكەسىندە 10 ءانشى ونەر كورسەتەتىن بولادى، دەپ حابارلايدى قازاقپارات ءتىلشىسى.
«Singer - 2017» ءان دوداسىنىڭ فيناليستەرى:
1.ديماش قۇدايبەرگەن
2.لين يليان
3.Lion توبى
4.لين چجيسيۋان
5.لي تسزيان
6.پەن دجياحۋەي
7.چجان تسزە
8.دۋ ليشا (Teresa Carpio)
9.چجان بيچەن
10.يۋۋان ياۆەي (Tia Ray)
ايتا كەتەرلىگى، ديماش ىرىكتەۋ كەزەڭدەرىندە ءتورت رەت ءبىرىنشى ورىن الىپ، جالپى ەسەپتە كوش باستاپ تۇر.
ەسكە سالا كەتەيىك، جاس ءانشىمىز بايقاۋدىڭ ونىنشى كەزەڭىندە ءوز ءانى «ۇمتىلماس كۇندى» ورىنداپ، فينالعا جولداما الدى. بۇل كەزەڭ ەفيردەن 25- ناۋرىز كورسەتىلەتىن بولادى. ال ەكى كەزەڭنەن تۇراتىن فينال 8- جانە 15- ءساۋىر كۇندەرى تىكەلەي ەفيردەن كورسەتىلەدى.
