16:53, 24 - ناۋرىز 2017 | GMT +5
الماتىدا «الاش ايبارى» اتتى حالىقارالىق تۋرنيرى وتەدى
استانا. قازاقپارات - الماتى قالاسىندا 1- ءساۋىر كۇنى «الاش وردانىڭ» 100 جىلدىعىنا ورايلاستىرىلعان ارالاس جەكپە-جەكتەن «الاش ايبارى» اتتى حالىقارالىق تۋرنيرى وتەدى، دەپ حابارلايدى قازاقپارات.
بالۋان شولاق اتىنداعى سپورت سارايىندا وتەتىن جەكپە-جەك كەشىن ورتا ازياداعى ەڭ ۇزدىك پروموۋشەندەردىڭ ءبىرى «Alash Pride FC» ۇيىمداستىرىپ وتىر.
اتالمىش دوداعا قازاقستان، برازيليا، گرەكيا، رەسەي، بەلارۋس، ۋكراينا، ازەربايجان، وزبەكستان جانە قىرعىزستان ەلدەرىنىڭ سەگىزبۇرىشتا سۇرىپتالعان ەڭ مىقتى جەكپە-جەك شەبەرلەرى قاتىسادى.
سونداي-اق، تۋرا وسى كۇنى استانا قالاسىنىڭ «سارى ارقا» ۆەلوترەگىندە ارالاس جەكپە-جەك تۇرلەرىنەن WFCA 35 تۋرنيرى وتەدى. بۇل تۋرالى وسىعان دەيىن حابارلاعان بولاتىنبىز. ەلوردا تورىندە وتەتىن جەكپە-جەك كەشى اياسىندا جيىرما جۇپ ءوزارا كۇش سىناسادى. تۋرنيردىڭ باستى ايقاسى جەڭىل سالماقتاعى حۋسەين حاليەۆ (گروزنىي، «احمات» كلۋبى) پەن برازيليالىق ۆالمير لازارو اراسىندا وتپەك.
اۆتور: كۇنسۇلتان وتارباي
