دونالد ترامپ قازاقستاندىقتارعا بايلىق تىلەدى
«وسى اپتادا ەجەلدەن كەلە جاتقان ناۋرىز مەرەكەسىن تويلاعان حالىقتارعا ىزگى تىلەگىمدى جەتكىزگىم كەلەدى. يران، يراك، تۇرىك، وڭتۇستىك ازيا ەلدەرى مەن ورتالىق ازيا ەلدەرىندەگى ميلليونداعان حالىق ناۋرىز تويىن تويلاپ جاتىر. پارسى تىلىنەن اۋدارساق، «ناۋرىز» دەگەنىمىز - «جاڭا كۇن» دەگەن ماعىنانى بىلدىرەدى. ياعني، بۇل دەگەنىمىز - جاڭا باستامارعا قول سوزاتىن شاق» - دەپ حابارلانعان ا ق ش پرەزيدەنتىنىڭ اق ءۇي سايتىندا جاريالانعان قۇتتىقتاۋىندا.
«پارسى يمپەرياسىن باسقارعان ۇلى كير «ەركىندىك، ار- نامىس پەن بايلىق - ادامزاتتى زور باقىتقا جەتەلەيدى» دەگەن ەكەن. ەگەر دە ۇرپاققا وسى قۇندىلىقتاردى مۇرا ەتىپ قالدىرا الساق، ۇرپاقتىڭ بىزگە دەگەن ماحابباتى ولمەيدى. ناۋرىزدى تويلايتىن حالىقتاردىڭ بارىنە ا ق ش حالقىنىڭ اتىنان ەركىندىك، ار- نامىس پەن بايلىق تىلەيمىن»، - دەگەن دونالد ترامپ ءوز قۇتتىقتاۋىندا.
اۆتور: كەنجەكەي توقتامۇرات قىزى
