نازاربايەۆ پەن ميرزيەيەۆ بىرلەسكەن دەكلاراتسياعا قوي قويدى

استانا. قازاقپارات - بۇگىن اقوردادا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن وزبەكستان پرەزيدەنتى شاۆكات ميرزيەيەۆ قازاقستان مەن وزبەكستان اراسىنداعى ستراتەگيالىق ارىپتەستىكتى ودان ارى كەڭەيتۋ جانە تاتۋ كورشىلىكتى نىعايتۋ تۋرالى بىرلەسكەن دەكلاراتسياعا قول قويدى.

 قۇجات قازاقستان مەن وزبەكستان پرەزيدەنتتەرىنىڭ شاعىن جانە كەڭەيتىلگەن قۇرامداعى كەلىسسوزدەرىنەن كەيىن راسىمدەلدى، دەپ حابارلايدى قازاقپارات.

 سونداي- اق كەلىسسوزدەر قورىتىندىسى بويىنشا ق ر پرەمەر- ءمينيسترىنىڭ ءبىرىنشى ورىنباسارى اسقار مامين مەن ءو ر پرەمەر- ءمينيسترىنىڭ ءبىرىنشى ورىنباسارى اچيلباي راماتوۆ ءوڭىرارالىق ىنتىماقتاستىق تۋرالى كەلىسىمگە، 2017-2019 -جىلدارعا ارنالعان ەكونوميكالىق ىنتىماقتاستىق ستراتەگياسىنا، تابىسپەن بىرگە قوسارلانعان سالىق سالۋدى بولدىرماۋ تۋرالى كەلىسىمگە وزگەرتۋلەر مەن تولىقتىرۋلار ەنگىزۋ تۋرالى حاتتاماعا قول قويدى.

ال ق ر ينۆەستيتسيالار جانە دامۋ ءمينيسترى جەڭىس قاسىمبەك پەن ءو ر سىرتقى ەكونوميكالىق بايلانىستار، ينۆەستيتسيالار جانە ساۋدا ءمينيسترى ەليەر گانيەۆ حالىقارالىق اۆتوموبيل قاتىناسى تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى، ق ر سىرتقى ىستەر ءمينيسترى قايرات ءابدىراحمانوۆ پەن ءو ر سىرتقى ىستەر ءمينيسترى ابدۋلازيز كاميلوۆ سىرتقى ىستەر مينيسترلىكتەرى اراسىنداعى 2017-2018 -جىلدارعا ارنالعان ىنتىماقتاستىق باعدارلاماسىن، ق ر قورعانىس ءمينيسترى ساكەن جاسۇزاقوۆ پەن ءو ر قورعانىس ءمينيسترى كابۋل بەرديەۆ قورعانىس مينيسترلىكتەرى اراسىنداعى اسكەري ىنتىماقتاستىق تۋرالى كەلىسىمدى راسىمدەدى.

 اۆتور: مارلان جيەمباي