قازاقستان مەن وزبەكستان پرەزيدەنتتەرى ەكىجاقتى كەزدەسۋدە

استانا. قازاقپارات - بۇگىن اقوردادا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن وزبەكستان پرەزيدەنتى شاۆكات ميرزيەيەۆ ەكىجاقتى كەزدەسۋدە، دەپ حابارلايدى قازاقپارات.

« ۇلىستىڭ ۇلى كۇنى، ءبارىمىزدىڭ ورتاق مەرەكەمىز - ناۋرىز مەيرامىندا كەلىپ وتىرسىز. بۇل ءسىزدىڭ پرەزيدەنت بولىپ سايلانعاننان كەيىنگى تۇڭعىش مەملەكەتتىك ساپارىڭىز. سايلانۋىڭىزبەن مەن ءسىزدى شىن جۇرەكتەن قۇتتىقتايمىن. باۋىرلاس وزبەك حالقىنا، وزىڭىزگە زور دەنساۋلىق پەن ۇلكەن تابىستار تىلەيمىز. ءبىز تۋىسقان ەل رەتىندە وزبەك حالقىنىڭ، وزبەك مەملەكەتىنىڭ وركەندەپ، ءونىپ ۇلكەن جەتىستىكتەرگە جەتىپ وتىرۋىن قالايمىز»، - دەدى ەلباسى ەكىجاقتى كەزدەسۋ بارىسىندا.

 قازاقستان پرەزيدەنتى وزبەك ارىپتەسىنىڭ قازاق ەلىنە ۇلكەن بيزنەس دەلەگاتسيامەن دە كەلىپ وتىرعاندىعىن باسا ايتتى.

«ءبىزدىڭ قابىلدايتىن، قول قوياتىن قۇجاتتارىمىزدىڭ بارلىعى ەكى ەلدىڭ اراسىندا جاڭا بەلەس، جاڭا جول اشادى دەپ سانايمىن. كەلگەن جولىڭىز اق بولسىن!. ءسىز كەلگەلى 5 ايدىڭ ىشىندە ەكى ەلدىڭ اراسىنداعى ساۋدا- ساتتىق 30 پروتسەنتكە جوعارىلادى. كوپ ماسەلەلەرگە قول جەتكىزدىك. ونى بۇگىنگى كەلىسسوزدەردە ايتامىز»، - دەدى نۇرسۇلتان نازاربايەۆ.

 اۆتور: مارلان جيەمباي