جاپونيا پرەمەرىنىڭ ايەلىمەن بايلانىستى جانجال ءورشي ءتۇستى
پارلامەنتتە تىڭداۋدا ۇلتتىق مەكتەپ ديرەكتورى كوشباسشىنىڭ ايەلىنەن 1 ميلليون يەن (9 مىڭ دوللارعا جۋىق) العانىن ايتتى.
بۇل تۋرالى Reuters-كە سىلتەمە جاساپ newsru.com حابارلادى.
ياسۋنوري كاگيوكە وزىنە تيەسىلى Moritomo Gakuen ۇيىمى وكىلدەرىنىڭ مەملەكەتتەن نارىقتىق باعادان الدەقايدا ارزانعا جەر ۋچاسكەسىن قالاي العانىن دەپۋتاتتارعا ءتۇسىندىرىپ بەرۋ ءۇشىن پارلامەنتكە شاقىرىلدى. كوپ جىلدان بەرى پاتريوتتىق بالاباقشانى باسقاراتىن كاگيوكە ول جەرگە مەكتەپ سالعان. ونى پرەمەر ابەنىڭ ەسىمىمەن اتاپ، ونىڭ جۇبايىنا قۇرمەتتى ديرەكتور اتاعىن بەرگەن. تىڭداۋ بارىسىندا كاگيوكە 2015 -جىلى سيندزو ابەنىڭ جۇبايى اكيە وعان اقشا بەرىپ جىبەرگەنىن ايتتى.
«بۇل مەن ءۇشىن ۇلكەن قۇرمەت بولدى، سوندىقتان بۇل كوز الدىمداعىداي ەسىمدە»، - دەدى ول.
بۇدان بۇرىن پرەمەر ونىڭ جۇبايى مەكتەپكە اقشا بەرىپ جىبەرمەگەنىن، ءوزى دە كۇماندى مامىلەگە باس سۇقپاعانىن ايتقان.
