ماسكەۋ تۇرعىنى قازاقستانعا تانك ساتپاق بولعان
بۇل تۋرالى ر ي ا نوۆوستي اگەنتتىگى رەسەيدىڭ فەدەرالدى قاۋىپسىزدىك قىزمەتىنىڭ چەليابى وبلىسى بويىنشا باسقارماسىنىڭ باسپا ءسوز قىزمەتىنە سىلتەمە جاساپ حابارلايدى.
«كارتالى قالالىق سوتى ماسكەۋ تۇرعىنان رەسەي ايماعىنان كەدەندىك وداققا مۇشە مەملەكەتتەردىڭ شەكاراسىنا ءىرى كولەمدەگى مادەني قۇندىلىقتى زاڭسىز الىپ وتۋگە ۇمتىلعانى ءۇشىن كىنالى دەپ تاپتى. سوت ەر ازاماتتى 1 جىل 6 ايلىق سىناق مەرزىمىمەن شارتتى تۇردە 3 جىلعا سوتتادى»، - دەلىنگەن حابارلامادا.
باسپا ءسوز مالىمەتتەرىنە قاراعاندا، قۇجاتى بويىنشا رەسەيدىڭ مادەني قۇندىلىعى سانالاتىن تانكتى ماسكەۋلىك لاتۆيادان 20 مىڭ ەۋروعا ساتىپ العان. الايدا ول، سالىقتىڭ تىم قىمبات بولۋىنا بايلانىستى رەسەيدەن مادەنيەت قۇندىلىعىن الىپ شىعۋ جونىندە رۇقسات الماعان.
1945-جىلى شىققان اسكەري ماشينانى شەكاراشىلار 2015-جىلى رەسەي مەن قازاقستان شەكاراسى ارقىلى كەتىپ بارا جاتقان تەمىر جول قۇرامىن تەكسەرۋ بارىسىندا انىقتاعان. وسى كەزدە تانك مەملەكەتتىڭ يەلىگىنە قايتارىلدى.
2016-جىلدىڭ 8- جەلتوقسانى كۇنى كەدەن قىزمەتكەرلەرى كالينينگراد-ماسكەۋ باعىتىندا كەتىپ بارا جاتقان پويىزدىڭ اجەتحاناسىنان ەكىنشى دۇنيەجۇزىلىك سوعىستان قالعان قارۋ-جاراق قويماسىن تاپقان.
