رەسەي ءوزى باسىپ العان قىرىمدا ءىرى اسكەري جاتتىعۋ وتكىزىپ جاتىر
بۇل تۋرالى ر ي ا نوۆوستي اگەنتتىگىنە سىلتەمە جاساعان ازاتتىق حابارلايدى.
جاتتىعۋلارعا ەكى جارىم مىڭنان استام ادام مەن 600 بىرلىك اسكەري تەحنيكا مەن قارۋ-جاراق قوندىرعىسى قاتىستىرىلىپ جاتىر. سەرديۋكوۆتىڭ سوزىنشە، رەسەي ارمياسى تاريحىندا العاش رەت اۋە-دەسانتى اسكەرى جاتتىعۋى اياسىندا نوۆوروسسيسك، كامىشين جانە ۋلان-ۋدەدەگى ءۇش اسكەري ءبولىم ءبىر مەزەتتە دابىلمەن كوتەرىلىپ، قارۋ-جاراق جانە تەحنيكاسىمەن بىرگە قىرىمعا ءىشىنارا جەتكىزىلگەن.
«دەسانتشىلار شارتتى جاۋ اسكەرى مەن زاڭسىز قارۋلى توپتاردى جويۋ بويىنشا تاجىريبەلىك ماشىعىن پىسىقتايدى» دەگەن گەنەرال.
بۇعان دەيىن قاڭتاردا ماسكەۋ قىرىم تۇبەگىندەگى فەودوسيا ماڭىنا قوسىمشا س-400 «تريۋمف» زىمىران كەشەندەرىن ورنالاستىرعان.
رەسەي 2014-جىلى قىرىمدى اننەكسيالاپ، ۋكراينانىڭ شىعىسىندا قارۋلى جانجال باستالعاننان كەيىن قارۋلى كۇشتەرىن كەنەتتەن شۇعىل دابىلمەن كوتەرىپ، كولەمدى اسكەري جاتتىعۋلار وتكىزۋدى جيىلەتكەن. باتىس ەلدەرى بۇعان بايلانىستى بىرنەشە رەت الاڭداۋشىلىق بىلدىرگەن.
