ترامپ قىتايعا ساپارمەن بارۋعا نيەت بىلدىرگەن
شي جينپيڭگە ترامپتىڭ سالەمىن جەتكىزگەن تيللەرسون ا ق ش پرەزيدەنتى قىتاي باسشىسىمەن بايلانىستى «جوعارى باعالايتىنىن» جانە ەكى ەل جەتەكشىلەرىنىڭ كەزدەسۋى «نەعۇرلىم ەرتەرەك وتەدى» دەپ كۇتەتىنىن ايتقان. ونىڭ سوزىنشە، ترامپ «ءساتى تۇسكەندە قىتايعا ساپارمەن كەلۋگە» دايىن.
شي جينپيڭ ەكى ەل اراسىنداعى تۇسىنىستىك دەڭگەيىن كوتەرۋگە مۇددەلى ەكەنىن بىلدىرگەن.
«قىتاي مەن ا ق ش- تىڭ ورتاق مۇددەلەرى ەكەۋىنىڭ اراسىنداعى الشاقتىقتان الدەقايدا اسىپ كەتەدى، ىنتىماقتاستىق - ەكى تاراپتىڭ جالعىز تاڭداۋى. قارىم- قاتىناستارعا ۇزاق مەرزىمدى جانە ستراتەگيالىق تۇرعىدان قاراپ، ىنتىماقتاستىق ءورىسىن كەڭەيتىپ، جالپى تابىس پەن ءوزارا ۇتىس ستراتەگياسىن جۇزەگە اسىرۋ كەرەك» دەگەن قىتاي باسشىسى.
بۇعان دەيىن تيللەرسون سەنبى كۇنى پەكيندە قىتاي مەملەكەتتىك كەڭەسى مۇشەسى يان سزەچي جانە سىرتقى ىستەر ءمينيسترى ۋاڭ يمەن كەزدەسىپ، كەلىسسوزدەر وتكىزگەن بولاتىن.
«ازاتتىق» جاڭالىقتارى
