قورىق اۋماعىندا زاڭسىز اڭ اۋلاعان براكونەرلەر توبى ۇستالدى

كوكشەتاۋ. قازاقپارات- اقمولا وبلىسىنىڭ اتباسار اۋدانىندا تابيعي قورىق اۋماعىندا زاڭسىز اڭشىلىقپەن اينالىسقان براكونەرلەر ۇستالدى، دەپ حابارلايدى «قازاقپارات» ح ا ا ءتىلشىسى ءى ءى د باسپا ءسوز قىزمەتىنە سىلتەمە جاساپ.

پوليتسەيلەردىڭ مالىمەتى بويىنشا كەشە، 18- ناۋرىزدا سەپە اۋىلىنىڭ ماڭىنداعى تابيعي قورىقتا زاڭسىز اڭ اۋلاپ جۇرگەن 35-56 جاس ارالىعىنداعى 8 ادام قولعا تۇسكەن. ۇستالعان ادامداردىڭ بەسەۋى كوكشەتاۋلىق تا، قالعان ۇشەۋى اتباسار اۋدانىنىڭ تۇرعىندارى.

«تەكسەرۋ بارىسىندا ولاردان 7 اڭشى مىلتىعى، 3 تەگىس ۇڭعىمالى مىلتىق، 4 شولاق مىلتىق، 4 قاردا جۇرەتىن كولىك جانە 11 جابايى دوڭىزدىڭ ەتى تابىلىپ، تاركىلەندى. وسىعان بايلانىستى ق ر ق ك 337- بابىنىڭ 4- ءبولىمى بويىنشا (زاڭسىز اڭشىلىقپەن اينالىسۋ) سوتقا دەيىنگى وندىرىستىك ءىس قوزعالدى»، دەپ كورسەتىلگەن حابارلامادا.

اۆتور: اسلان وسپانوۆ