جاپوندىق عالىم ءماشھۇر ءجۇسىپ كوپەي ۇلىنىڭ مۇرالارىن زەرتتەپ ءجۇر
س. تورايعىروۆ اتىنداعى پاۆلودار مەملەكەتتىك ۋنيۆەرسيتەتى باسپا ءسوز قىزمەتىنىڭ مالىمەتىنشە، كيوتو ۋنيۆەرسيتەتىنىڭ پروفەسسورى توكو فۋدزيموتونىڭ زەرتتەۋلەرى ەتنوگرافيا سالاسىنا باعىتتالعان.
ول كوپتەگەن جىلدار بويى قازاقستانداعى قازاق حالقىنىڭ مادەنيەتى مەن تۇرمىس-تىرشىلىگىن، اسىرەسە، ەرتىستىڭ پاۆلودار ءوڭىرىنىڭ ەتنوگرافياسىن زەرتتەۋمەن اينالىسىپ كەلەدى.
مەيماننىڭ ساپارى ۋنيۆەرسيتەتتىڭ كەشەندى ەكسكۋرسياسىنان باستالدى.
توكو فۋدزيموتو ارحەولوگيالىق مۇراجاي قورىنداعى سيرەك كەزدەسەتىن ەكسپوناتتارمەن جانە ءا. مارعۇلان اتىنداعى عىلىمي ورتالىقتىڭ كوپ جىلعى زەرتتەۋ ماتەريالدارىمەن تانىسقان.
بۇدان ءارى ءماشھۇر ءجۇسىپ اتىنداعى كابينەت- مۇراجايىندا بولىپ، بەلگىلى جەرلەسىمىزدىڭ رۋحاني-تاريحي مۇرالارى مەن ەڭبەكتەرىنە قانىق بولدى.
«جاپونيا ەلىنەن كەلگەن مەيمانمەن جوعارى وقۋ ورنى 2009-جىلدان بەرى دوستىق بايلانىس ورناتقان. سول كەزدەرى ءماشھۇر ءجۇسىپ كوپەي ۇلىنىڭ ەڭبەكتەرىن زەرتتەۋ ەندى عانا قولعا الىنعان بولاتىن. كەيىن ول جۇمىستار «ءماشھۇر ءجۇسىپ وقۋلارى» حالىقارالىق عىلىمي-تاجىريبەلىك كونفەرەنتسياسىندا جاريالانعان.
بۇل جولى توكو فۋدزيموتو پاۆلودار وبلىسىنىڭ ەتنوگرافياسىن جانە ەنتسيكلوپەديست عالىمنىڭ مۇرالارىن تەرەڭىرەك زەرتتەۋدى ماقسات ەتىپ كەلدى، - دەيدى پروفەسسور لاۋرا ءجۇسىپوۆا.
