بەيجىڭدە قازاقستاندىق بالالار ناۋرىز مەرەكەسىن تويلادى-فوتو
دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.
ق ح ر- داعى ق ر ەلشىسىنىڭ جۇبايى ءاليا نۇرىشيەۆانىڭ قۇتتىقتاۋ سوزىنەن كەيىن جانە قىدىر اتانىڭ باتاسى، شاشۋ داستۇرىنەن سوڭ، قوناقتارعا مەرەكەلىك كونسەرت كورسەتىلدى. قىزدار «ناۋرىز» ءبيىن بيلەدى، ءمۇسليما دايىن «تۋعان جەردەي جەر بولماس» ءانىن شىرقادى، رامازان سارسەن «بالبىراۋىن» كۇيلەرىن، اسەم قابازيەۆا «تۋعان جەرىم» ءانىن ايتتى. كونسەرت قاتىسۋشىلارى ەستەلىك ديپلومدارمەن ماراپاتتالدى.
ەلشىلىك عيماراتىنىڭ اۋلاسىنا كيىز ءۇي تىگىلىپ، بالالارعا ناۋرىز كوجە، باۋىرساق، مانتى، پالاۋ جانە وزگە دە قازاقتىڭ ۇلتتىق تاعامدارى بەرىلدى. تاعامداردى قىتايداعى ق ر ۇلتتىق كومپانيا وكىلدەرىنىڭ، ديپلوماتتاردىڭ جۇبايلارى ازىرلەدى.
«ءبىز بالالارعا ارناپ ناۋرىز مەيرامىن ۇيىمداستىردىق. قازاقستاننان جىراقتا جۇرسە دە، ءوز مادەنيەتىن، سالت- ءداستۇرىن ۇمىتپاسىن دەپ، ناۋرىزدىڭ - جاڭا جىلىمىز ەكەنىن ءبىلىپ ءجۇرسىن دەگەن نيەتپەن جاسادىق»، - دەدى قازاقپارات تىلشىسىنە بەرگەن سۇحباتىندا بەيجىڭدەگى قازاقستاندىق ايەلدەر كەڭەسىنىڭ ءتورايىمى گاۋھار شامشيەۆا.
بەيجىڭدەگى اۋانىڭ لاستانۋىنا قاراماستان، كوكتەمگى كۇننىڭ اشىق بولۋى مەن بالالاردىڭ ونەر كورسەتۋى، ۇلتتىق كوستيۋمدەر مەرەكەلىك كوڭىل- كۇي سىيلادى.
