سولتۇستىك قازاقستان وبلىسىنىڭ اكىمى ناۋرىزدى ءار اۋلادا تويلاۋدى ۇسىندى
ءوڭىر باسشىسى جينالعانداردى ناۋرىز مەيرامىمەن قۇتتىقتاي وتىرىپ، كوكتەم مەرەكەسىن تەك قالالار مەن اۋىلداردىڭ الاڭدارى مەن كوشەلەرىندە تويلاماي، سونداي-اق، ءار اۋلادا دا تويلاۋدى ۇسىندى.
«وسى جىلى ءبىز ناۋرىز مەيرامىن اۋلالىق اۋماقتار مەن تۇرعىن ءۇي-جايلارىندا قارسى الۋدان باستاساق، جاقسى ءداستۇر بولار ەدى. اۋلالارداعى كىرە-بەرىستەردى، بالالاردىڭ ويىن الاڭدارىن، تروتۋارلاردى، ارىقتار مەن جاۋىن-شاشىن كارىز جۇيەسىن قاردان تازارتۋ، سوڭىندا، مۇمكىندىگىنشە، بارلىق اۋلامەن مەرەكەلىك داستارحان جايىپ، كۇش پەن شىدامدىلىقتى تەكسەرەتىن ۇلتتىق ويىنداردى ۇيىمداستىرۋ. وسى بارلىق ءىس-ارەكەتتەر بىزدەگى بىرلىك رۋحى مەن ىنتىماقتاستىعىمىزدى ودان ءارى نىعايتاتىنىنا سەنىمدىمىن»، - دەپ اتاپ ءوتتى قۇمار اقساقالوۆ.
وبلىس اكىمى قاتىسقان ءىس-شاراعا ۇلى وتان سوعىسىنىڭ، ەڭبەك، سپورت ارداگەرلەرى، قازاقستاننىڭ ەڭبەك سىڭىرگەن قايراتكەرى، وبلىستىڭ قۇرمەتتى ازاماتتارى، قوعامدىق كەڭەستەردىڭ ءتوراعالارى قاتىستى.
«مىنەكەي، بۇگىن ۇلكەن مەرەكە قارساڭىندا قوعامدىق پىكىردى قالىپتاستىراتىن ازاماتتارمەن كەزدەسۋدى ۇيىمداستىرۋدى ءجون ساناپ، ويلارىڭىزبەن ءبولىسىپ، پىكىرلەرىڭىزدى، ۇسىنىستارىڭىزدى تىڭداۋ ءۇشىن الدارىڭىزعا كەلىپ وتىرمىز»، - دەپ اتاپ ءوتتى قۇمار اقساقالوۆ.
ول ەكى كۇن ىشىندە بۇكىل اۋدان اكىمدەرىن، قالا اكىمدەرىنىڭ ەسەپتەرىن تىڭداپ، باسقارما مەن دەپارتامەنت باسشىلارىمەن پىكىرلەسكەنىن ايتتى.
